Tag Archives: வெற்றிக்கொடிக்கட்டு

சின்ன கதாபாத்திரத்தில் நடிக்கவிருந்த எனக்கு பெரும் வாய்ப்பு வாங்கி கொடுத்தவர் வடிவேலு!.. மனம் திறந்த காமெடி நடிகர்!..

Actor vadivelu: சாதாரண துணை நடிகராக தமிழ் சினிமாவில் அறிமுகமாகி அதன் பிறகு மக்களிடம் செல்வாக்கை பெற்று பெரும் உயரத்தை தொட்டவர் நடிகர் வடிவேலு.

மற்ற நடிகர்களை போலவே சினிமா பின்புலம் இல்லாமல் கிராமத்தில் இருந்து வாய்ப்பு தேடி சினிமாவிற்கு வந்தவர்தான் நடிகர் வடிவேலு. கவுண்டமணி செந்தில் மாதிரியான பெரும் காமெடி நடிகர்கள் பிரபலமாக இருந்த காலகட்டத்திலேயே தனக்கென தனி நகைச்சுவை பாணியை கொண்டு தமிழ் சினிமாவில் இடம் பிடித்தவர் வடிவேலு.

அவர் சினிமாவிற்கு வந்த போது அவரை நடிகர் கவுண்டமணி ஒரு முறை அடித்து எதற்கு நடிக்க வந்தாய் என்றெல்லாம் மிரட்டியதாக கூறப்படுகிறது. இப்படி எல்லாம் இருந்தும் தமிழ் சினிமாவில் தொடர்ந்து மக்கள் மத்தியில் வரவேற்பை பெற்ற வடிவேலு கடந்த சில வருடங்களாக தொடர்ந்து விமர்சனத்திற்கும் உள்ளாகி வருகிறார்.

vadivelu

வடிவேலுவுடன் சேர்ந்து நடித்த பலரும் அவரைக் குறித்து பேட்டியளிக்கும் பொழுது அதில் வடிவேலு தங்களுக்கு எந்த உதவியும் செய்வதில்லை தங்களை கைவிட்டு விட்டார் என்று கூறி இருக்கின்றனர். அதற்கு தகுந்தார் போல காமெடி நடிகர்களின் இறப்பிற்கு கூட செல்லாமல் இருக்கிறார் வடிவேலு.

தற்சமயம் விஜயகாந்தின் இறப்பிற்கும் வடிவேலு வராதது பெரும் சர்ச்சையை ஏற்படுத்தியது. இந்த நிலையில் தமிழ் சினிமாவில் உதவி இயக்குனரும் காமெடி நடிகருமான சௌந்தர் வடிவேலு குறித்து பேசும் பொழுது அவரைப் பற்றி நல்லவிதமாக பேசியிருக்கிறார்.

பொதுவாகவே வடிவேலு குறித்து நடிகர்கள் நல்லவிதமாக பேசுவது என்பது அரிதான விஷயமாகிவிட்டது. இது குறித்து சௌந்தர் கூறும் பொழுது வடிவேலு என்னுடன் நல்ல நட்பில் இருந்தார். எந்த ஒரு திரைப்படத்திலும் நான் நன்றாக நடிக்கும் போது அதை கைதட்டி அவரே வரவேற்பார்.

வெற்றி கொடி கட்டு திரைப்படத்தில் ஒரு கிளி ஜோசியகாரனாக நடிப்பதற்கான வாய்ப்பு எனக்கு கிடைத்தது. அதில் நான் நடிக்க செல்லும் பொழுது என்னை வரவேற்ற வடிவேலு இயக்குனர் சேரனிடம் பேசி எனக்கு அந்த திரைப்படத்தில் டீக்கடைக்காரர் கதாபாத்திரத்தை வாங்கி கொடுத்தார் அந்த மாதிரி எனக்கு நன்மைகளைதான் செய்திருக்கிறார் வடிவேலு என்று கூறி இருக்கிறார் நடிகர் சௌந்தர்.

ஒண்ணுமே சொல்லாமல் அந்த படத்தில் இருந்து சேரன் என்னை தூக்கிட்டாரு!.. மனம் வருந்திய பசங்க இயக்குனர்…

வெளிநாட்டிற்கு சென்று சம்பாதிப்பதை விட உள்ளூரிலேயே பெரிதாக சம்பாதித்து முன்னேற முடியும் என்பதை சொல்லும் வகையில் எடுக்கப்பட்ட திரைப்படம்தான் வெற்றி கொடி கட்டு.

இயக்குனர் சேரனால் இயக்கப்பட்ட வெற்றி கொடிக்கட்டு திரைப்படம் அப்போது வந்த திரைப்படங்களில் முக்கியமான திரைப்படம் ஆகும். இப்போது வரை கிராமத்து இளைஞர்களுக்கு வெளிநாடு சென்றால்தான் சம்பாதிக்க முடியும் என்கிற ஒரு எண்ணம் உண்டு.

ஆனால் அந்த எண்ணத்தை உடைத்து என்ன வளம் இல்லை இந்த திருநாட்டில் என்னும் வசனத்திற்கு ஏற்ப இங்கேயே பிழைக்க முடியும் என்பதை வலியுறுத்தும் வகையில் சேரன் எழுதிய கதைதான் வெற்றி கொடிக்கட்டு.

வெற்றி கொடிக்கட்டு படம் திரைப்படம் ஆக்கப்படும் போது அதில் மொத்தம் ஏழு பேர் உதவி இயக்குனராக பணிபுரிந்தனர். அதில் சிம்பு தேவனும் இயக்குனர் பாண்டியராஜும் இருந்தனர். ஆனால் படத்திலிருந்து இரண்டு உதவி இயக்குனர்களை நீக்க வேண்டி இருந்ததால் அப்பொழுது சேரன் பாண்டியராஜையும் சிம்பு தேவனையும் நீக்கிவிட்டார்.

ஆனால் இவர்கள் இருவரும் அதற்கு முன்பே தங்களது குடும்பத்தாரிடம் ஒரு திரைப்படத்தில் கமிட் ஆகிவிட்டதாக கூறி பெருமைப்பட்டு இருக்கின்றனர். இந்த நிலையில் மனமுடைந்த பாண்டியராஜ் தனது குடும்பத்தை பார்ப்பதற்காக ஊருக்கு சென்றிருந்தார்.

இந்த நேரத்தில் இருந்த ஐந்து உதவி இயக்குனர்களில் ஒருவர் அவராகவே படத்தில் இருந்து நீங்கி விட்டதால் அதற்கு பதிலாக சிம்பு தேவனை சேர்த்துக் கொண்டனர். இறுதியாக பட வாய்ப்பு கிடைக்காமல் தனியாக நின்றார் பாண்டியராஜ். இது குறித்து ஒரு பேட்டியில் கூறும் பொழுது படத்தில் பெயர் போடும்போது அதில் உதவி இயக்குனர்கள் பெயரில் எனது பெயர் இல்லாததை பார்க்கும்பொழுது முகுந்த வருத்தமாக இருந்தது என்று கூறியுள்ளார் பாண்டிராஜ்.