Tag Archives: sathyapriya

அந்த படத்துல எனக்கு வாய்ப்பு இல்லன்னு சொல்லிட்டாங்க!.. ரஜினி ரெக்கமண்டேஷனில் வாய்ப்பை பெற்ற நடிகை!..

தமிழ் சினிமாவில் எப்போதும் வரவேற்பை பெற்ற நடிகர்களில் முக்கியமானவர் நடிகர் ரஜினிகாந்த். ப்ளாக் அண்ட் வொயிட் காலக்கட்டத்தில் துவங்கி இப்போது வரை அவரது திரைப்படத்திற்கு இருக்கும் வாய்ப்பு மட்டும் குறையவே இல்லை எனலாம்.

இந்த நிலையில் ரஜினியுடன் நல்ல பழக்கத்தில் இருந்த நடிகைகளில் முக்கியமானவர் நடிகை சத்யப்ரியா. தமிழ் சினிமாவில் பல நடிகர்களுக்கு இவர் அம்மாவாக நடித்துள்ளார். முக்கியமாக வில்லி அம்மா கதாபாத்திரத்திற்கு ஏற்ற நடிகையாக இவர் இருந்து வந்தார்.

தற்சமயம் எதிர்நீச்சல் சீரியலில் குணசேகரனின் அம்மாவாக நடித்து வருகிறார். பாட்ஷா திரைப்படத்தில் கூட ரஜினிக்கு அம்மாவாக நடித்திருப்பார். படையப்பா திரைப்படம் எடுக்கப்பட்டப்போது அந்த படத்தில் இவருக்கும் வாய்ப்பளிப்பதாக படக்குழுவினர் கூறி இருந்தனர்.

மீண்டும் ரஜினியோடு ஒரு படம் நடிக்க போகிறோம் என்பது சத்திய ப்ரியாவிற்கு மிகுந்த மகிழ்ச்சியை அளித்தது. மேலும் அந்த படத்தில் ரம்யா கிருஷ்ணனின் அம்மா கதாபாத்திரம் முக்கியமான கதாபாத்திரம் என கூறப்பட்டது. இந்த நிலையில் இந்த படத்தில் நடிப்பதை தனக்கு தெரிந்தவர்களிடம் எல்லாம் கூறிவிட்டார் சத்யப்ரியா.

ஆனால் படக்குழு திடீரென அம்மா கதாபாத்திரம் வேண்டாம் அதை அப்பா கதாபாத்திரமாக மாற்றிவிடலாம் என முடிவெடுத்து அதற்காக ராதாரவியை தேர்ந்தெடுத்திருந்தனர். இந்த விஷயத்தை கேள்விப்பட்ட சத்யப்ரியா உடனே ரஜினிகாந்திற்கு போன் செய்து அண்ணா உங்க படத்தில் நடிக்கப்போகிறேன் என ஊர் முழுக்க சொல்லிவிட்டேன்.

இப்போ நடிக்கலைனா அசிங்கமா போயிடும். அதுனால ஒரு சின்ன கதாபாத்திரமாவது வாங்கி கொடுங்க என கேட்டுள்ளார். அதனை தொடர்ந்து படையப்பாவில் அவருக்கு ரஜினிகாந்த் வாய்ப்பு வாங்கி தந்துள்ளார்.

விஜயகாந்த் படப்பிடிப்பில் அரிவாளோடு புகுந்த கும்பல்!.. துணிச்சலாக கேப்டன் செய்த விஷயம்!.

Vijayakanth Movie shoot: தமிழில் உள்ள சினிமா நடிகர்களில் முக்கியமானவர் நடிகர் விஜயகாந்த். சின்ன கிராமங்களில் இருந்து தமிழ் சினிமாக்கு வாழ்க்கை தேடி வந்த நடிகர்களில் விஜயகாந்த்தும் ஒருவர். சினிமாவிற்கு வந்த ஆரம்ப காலகட்டங்களில் பசியால் உணவிற்கு மிகவும் கஷ்டப்பட்டார் விஜயகாந்த்.

இதனை அடுத்து சினிமாவில் யாருக்கும் அப்படி ஒரு கஷ்டம் வரக்கூடாது என்பதற்காக பெரிய நடிகரான பிறகு மூன்று வேளையும் பலருக்கும் சாப்பாடு போட்டவர் விஜயகாந்த். அவர் நடித்த திரைப்படங்கள் அப்பதெல்லாம் பெரும் வரவேற்பு பெற்றிருந்தன.

சொல்ல போனால் ரஜினி கமலை விட விஜயகாந்தின் திரைப்படத்திற்கு அதிக வரவேற்பு இருந்தது. ஒரு வகையில் இது அவர்களுக்கே பயத்தை ஏற்படுத்தி இருக்கலாம் என்று பேசப்படுகிறது. ஒரே வருடத்தில் 18 திரைப்படங்கள் எல்லாம் நடித்த வெளியிட்டு இருக்கிறார்கள் விஜயகாந்த்.

இந்த நிலையில் அவருடன் பணிபுரிந்த அனுபவம் குறித்து ஒரு பேட்டியில் கூறியுள்ளார் நடிகை சத்திய பிரியா. விஜயகாந்தின் ஒரு படப்பிடிப்பில் நடித்துக் கொண்டிருக்கும் பொழுது திடீரென்று ஒரு கும்பல் கையில் அருவாளோடு படப்பிடிப்பு தளத்திற்குள் புகுந்து விட்டனர்.

அவர்கள் யாரோ ஒரு நபரை வெட்டுவதற்காக வந்திருந்தனர். அதனை பார்த்த படக்குழுவினர் அனைவரும் போய் ஒளிந்து விட்டனர் ஆனால் விஜயகாந்த் எதற்கும் பயப்படாமல் நேராக வந்து அங்கிருந்த பெண்களை எல்லாம் அழைத்துச் சென்று பாதுகாப்பான இடத்தில் உட்கார வைத்தார். எனவே எந்த ஒரு சூழ்நிலையிலும் பெண்களுக்கு பாதுகாப்பு அளிப்பதில் கேப்டன் சரியாக இருப்பார் என்று அந்த பேட்டியில் ஒரு இருக்கிறார் சத்திய பிரியா.