விஜயகாந்த் நேற்று இறைவனடி சேர்ந்ததை அடுத்து விஜயகாந்த் செய்த நன்மைகளை பட்டியலிட்டு வருகின்றனர் திரைத்துறையினரும் பொதுமக்களும்,
விஜயகாந்த் எவ்வளவு நன்மைகள் செய்துள்ளார் என்பது அவர் அரசியலுக்கு வந்த காலகட்டத்தில் வெகுவான மக்களுக்கு தெரியவே இல்லை என்று தான் கூற வேண்டும். ஏனெனில் அப்பொழுது சமூக வலைதளங்களின் வளர்ச்சி அவ்வளவு பெரிதாக இல்லை. திரைத்துறையில் பணிபுரிந்த பலரும் எப்போது சமூக வலைதளங்களில் பேட்டி கொடுக்க ஆரம்பித்தனரோ அப்போதுதான் விஜயகாந்த் எவ்வளவு பெரிய மனிதர் என்பது பொதுமக்களுக்கு தெரிய துவங்கியது.
சொல்லப்போனால் விஜயகாந்தை குறை கூறும் திரை பிரபலங்கள் என்று பெரிதாக யாரையும் பார்க்க முடியாது. வடிவேலுவை தவிர, அந்த அளவிற்கு எல்லோருக்கும் நன்மை செய்தவராக விஜயகாந்த் இருந்திருக்கிறார். இதற்கு நடுவே நேற்று இருந்து சிலர் சான்றிதழ்கள் சிலவற்றை வெளியிட்டு விஜயகாந்திற்கு நன்றி தெரிவித்து வருகின்றனர்.
இது என்னவென்று பார்க்கும் பொழுது விஜயகாந்த் எம்.எல்.ஏவாக இருந்த காலகட்டத்திலேயே இலவச கணினி வகுப்புகளை ஏற்பாடு செய்து கொடுத்து பலருக்கும் கணினி தொடர்பான விஷயங்களை கற்றுக் கொடுத்திருக்கிறார்.
அவற்றை கற்றுக் கொண்டதால்தான் இப்பொழுது நாங்கள் பெரும் உயரத்தில் இருக்கின்றோம். அப்போது ஏழ்மையில் படிக்கவே காசு இல்லாத பொழுது எங்களுக்கு கணினி கற்றுக் கொடுத்த கேப்டனுக்கு நன்றிகள் என்று கூறி வருகின்றனர். இதற்காக பல கோடி ரூபாய்களை சொந்த காசை விஜயகாந்த் செலவு செய்திருக்கிறார் என்பது முக்கியமான விஷயம் ஆகும்
