Ilayaraja: சினிமாவை பொறுத்தவரை அதில் பல்வேறுபட்ட துறைகள் உண்டு ஒவ்வொரு துறையிலும் நிபுணத்துவம் வாய்ந்த ஒரு நபர் இருந்து கொண்டுதான் இருப்பார். கருப்பு வெள்ளை சினிமா காலகட்டங்களில் சினிமாவில் பல பிரிவுகள் இருந்தன.
ஒவ்வொரு பிரிவில் பணிபுரிபவர்களுக்கும் கதாநாயகனுக்கு நிகரான சம்பளம் கிடைத்தன. ஆனால் தற்போதைய தமிழ் சினிமாவில் அனைவருடைய சம்பளத்தையும் கதாநாயகனே வாங்கி கொள்வதால் மற்றவர்களுக்கு சம்பளம் என்பது எட்டா கனியாகவே இருக்கிறது.
உதாரணத்திற்கு பாடல் வரிகளை எழுதிய காலகட்டங்களில் கண்ணதாசனுக்கு கிடைத்த சம்பளமோ அல்லது எம்.எஸ்.விக்கு அவர் இசையமைத்த காலத்தில் கிடைத்த சம்பளமோ இப்போது இருக்கும் இசையமைப்பாளர்களுக்கும் பாடலாசிரியர்களுக்கும் கிடைப்பதில்லை.
அதே போல கதாநாயகனை விடவும் அதிக சம்பளம் வாங்கிய ஒரு இசையமைப்பாளர் என்றால் அதை இளையராஜாதான். இளையராஜாவை அப்பொழுது கடவுளாக பல இயக்குனர்கள் பார்த்ததற்கு காரணம் உண்டு அப்படியான ஒரு நிகழ்வைதான் பத்திரிகையாளர் செய்யாறு பாலு கூறியிருக்கிறார்.
படத்தை காப்பாற்றிய இளையராஜா:
ஒருமுறை தமிழ் சினிமாவிற்கு புதிதாக வந்த தயாரிப்பாளர் ஒருவர் படம் தயாரித்தார். அப்பொழுது படத்திற்கு எக்கச்சக்கமான செலவு ஆகவே அவரது நிலத்தில் துவங்கி அவருடைய மனைவி தாலி வரைக்கும் அடமானம் வைத்து அந்த திரைப்படத்தை எடுத்து முடித்தார்.
அந்த திரைப்படம் எடிட்டர் லெனினிடம் அப்பொழுது வந்தது. இந்த படத்தை பார்த்து எடிட்டர் இந்த திரைப்படம் கண்டிப்பாக வெற்றி பெறாது இந்த படம் ஓடுவதே கஷ்டம் என்று கூறியதும் மனம் உடைந்து போய் உள்ளார் அந்த தயாரிப்பாளர்.
அப்பொழுது அவரிடம் ஆலோசனை கூறிய எடிட்டர் லெனின் இந்த படத்தை இளையராஜாவிடம் கொண்டு செல்லுங்கள் எப்படியாவது அவரிடம் வாய்ப்பை வாங்கி இந்த படத்திற்கு இசையமைத்து விடுங்கள் இந்த படம் ஓரளவு ஓடிவிடும் என்று கூறியிருக்கிறார்.
உடனே அந்த தயாரிப்பாளர் இளையராஜாவிடம் சென்று அவரது காலில் விழுந்து நிலைமையை கூறியிருக்கிறார். அதனை புரிந்து கொண்ட இளையராஜா உடனே அந்த படத்திற்கு தன்னால் முடிந்த அளவு சிறப்பான இசையை போட்டுக் கொடுத்துள்ளார்.
பிறகு அந்த படம் பெரும் வெற்றி கொடுத்ததாக கூறும் பத்திரிக்கையாளர் செய்யாறு பாலு அந்த படத்தின் பெயர் என்னவென்று தெரியவில்லை என்று கூறி இருக்கிறார். ஆனால் இந்த மாதிரியான சம்பவங்கள் இளையராஜாவின் இசை பயணத்தில் நிறைய நடந்துள்ளது என்று கூறப்படுகிறது.
