மருத்துவ செலவுக்கு பணம் வேணும்.. சிம்புவை தேடி வரும் உதவி இயக்குனர்!..

Actor Simbu : மாநாடு திரைப்படத்திற்கு பிறகு தமிழ் சினிமாவில் சிம்புவிற்கான வரவேற்பு அதிகரித்துள்ளது என்றே கூறலாம். முதலில் எல்லாம் படப்பிடிப்பிற்கு ஒழுங்காக வர மாட்டார். சினிமா மீது பக்தியே கிடையாது என்றெல்லாம் பெரும் விமர்சனத்திற்கு உள்ளானார் சிம்பு.

பல தயாரிப்பாளர்கள் இவரால் பெரும் நஷ்டத்தை எல்லாம் சந்தித்துள்ளதாக பேசப்படுகிறது. ஆனால் மாநாடு திரைப்படத்தில் இருந்து சிம்பு திருந்திவிட்டதாக கூறப்படுகிறது. அதிலும் மாநாடு திரைப்படம் 100 கோடிக்கு ஓடி நல்ல வெற்றியை பெற்று கொடுத்தது.

அதனை தொடர்ந்து அடுத்து சிம்பு நடித்து வெளியான திரைப்படம் பத்து தல, மாநாடு திரைப்படத்திற்காக உடல் எடையை குறைத்த சிம்பு. இந்த படத்திற்காக உடல் எடையை அதிகரித்தார். அந்த அளவிற்கு சினிமாவிற்காக உண்மையாக உழைத்து வருகிறார் சிம்பு.

இந்நிலையில் தற்சமயம் பத்துதல திரைப்படத்தில் சிம்பு நடிக்கும்போது அதில் பணியாற்றிய உதவி இயக்குனருடன் அவருக்கு நல்ல பழக்கம் இருந்ததாம். அந்த உதவி இயக்குனருக்கு தற்சமயம் பெரும் உடல் பிரச்சனை உண்டாகியுள்ளது.

அதற்கு மருத்துவம் பார்ப்பதற்கு லட்சக்கணக்கில் பணம் செலவாகும் என்கிற நிலை ஏற்பட்டுள்ளது. எனவே தெரிந்தவர்களிடம் எல்லாம் கடன் வாங்கி மருத்துவ செலவை கவனித்து வரும் அந்த உதவி இயக்குனர், சிம்புவிடம் கேட்டால் கண்டிப்பாக உதவுவார் என அவரை தொடர்புக்கொள்ள முயற்சி செய்து வருகிறாராம்.

ஆனால் சிம்பு வெளிநாட்டில் இருப்பதால் அவரை எளிதில் தொடர்பு கொள்ள முடியவில்லை. எனவே தெரிந்த நபர்களிடம் எல்லாம் சிம்புவிடம் இந்த விஷயத்தை கொண்டு போக சொல்லி கேட்டுள்ளார் அந்த உதவி இயக்குனர்.