நடிகர் சிவகார்த்திகேயன் தொடர்ந்து தமிழ் சினிமாவில் நிறைய வெற்றி படங்களாக கொடுத்து வருகிறார். இதனாலேயே சிவகார்த்திகேயன் நடிக்கும் திரைப்படங்கள் என்றாலே அந்த படத்திற்கு வரவேற்பு அதிகமாக இருக்கிறது.
மக்களை பொருத்தவரை சிவகார்த்திகேயன் திரைப்படத்திற்கு சென்றாலே கண்டிப்பாக என்டர்டைன்மென்ட் ஆக இருக்கும் என்கிற நம்பிக்கை வந்திருக்கிறது.
அந்த அளவிற்கு சிவகார்த்திகேயன் கதைகளை தேர்ந்தெடுத்து நடித்து வருகிறார். இந்த நிலையில் சமீபத்தில் சிவகார்த்திகேயன் நடித்து வெளியான அமரன் திரைப்படம் எதிர்பார்த்ததை விடவும் நல்ல வெற்றியை கொடுத்து இருக்கிறது.
அமரன் பட வசூல்:
இயக்குனர் ராஜ்குமார் பெரியசாமி இயக்கத்தில் நடிகர் கமல்ஹாசன் தயாரிப்பில் உருவான திரைப்படம் அமரன். உண்மையாக வாழ்ந்த முகுந்த் வரதராஜன் என்கிற ராணுவ வீரரின் வாழ்க்கையை அடிப்படையாகக் கொண்டு எடுக்கப்பட்ட திரைப்படம் தான் அமரன்.
தீபாவளி ஆண்டு வெளியான அமரன் திரைப்படம் இப்பொழுது வரை திரையரங்குகளில் நல்ல வரவேற்பை பெற்று ஓடி வருகிறது. சூர்யா நடித்த கங்குவா திரைப்படம் வெளியான பிறகும் கூட சிவகார்த்திகேயனின் அமரன் திரைப்படம் நிறைய திரையரங்குகளில் ஓடி வருவதை பார்க்க முடிகிறது.
இந்த நிலையில் உலக அளவில் இதுவரை 300 கோடிக்கும் அதிகமாக வசூலித்து பெரும் சாதனை படைத்திருக்கிறது அமரன் திரைப்படம். இதுவரை சிவகார்த்திகேயன் நடித்த திரைப்படங்களிலேயே அதிக வசூல் பெற்ற திரைப்படமாக அமரன் திரைப்படம் இருக்கிறது.
இந்த நிலையில் தமிழ்நாட்டைப் பொறுத்தவரை 150 கோடிக்கும் அதிகமாக வசூல் செய்திருக்கிறது அமரன் திரைப்படம். இதற்கு முன்பு வெளியான பாகுபலி திரைப்படத்தின் தமிழ் நாடு வசூலை விட தற்சமயம் அமரன் படத்தின் வசூல் அதிகமாக இருப்பதாக கூறப்படுகிறது.
