வாரிசு படத்தின் வெற்றியை தொடர்ந்து விஜய் அடுத்து நடித்து வரும் திரைப்படம் லியோ. இந்த படத்தை இயக்குனர் லோகேஷ் கனகராஜ் இயக்கி வருகிறார். லோகேஷ் இயக்குகிறார் என்பதால் இந்த படத்திற்கு அதிகப்படியான வரவேற்புகள் ஏற்பட்டு வருகின்றன.
முக்கியமாக இந்த படம் லோகேஷ் கனகராஜ் யுனிவர்ஸில் கனெக்ட் ஆகுமா! விக்ரம் திரைப்படத்தின் அடுத்த பாகத்தில் விஜயும் வருவாரா? என மக்கள் ஆவலோடு காத்திருக்கின்றனர். இந்நிலையில் லியோ படம் விக்ரமோடு கனெக்ட் ஆவதற்கான வாய்ப்புகள் இருப்பதாக தெரிகிறது.
விக்ரம் படத்தில் பகத் ஃபாசில் கதாபாத்திரம் இண்ட்ரோ ஆகும்போது அவர்களை பற்றி கூறுவார்கள். அவர்களுக்கென்று எந்த ஒரு ரேஷன் கார்டும் கிடையாது என கூறி வரும்போது அந்த குழு இதற்கு முன்பு காஷ்மீரில் ஒரு வேலையை முடித்துவிட்டுதான் இங்கு வந்திருப்பதாக கூறியிருப்பார்கள்.
அதே போல ஃபகத் ஃபாசில் ஒரு பேட்டியில் கூறும்போது தானும் லியோ படத்தில் நடிப்பதற்கான வாய்ப்புகள் இருப்பதாக கூறியிருந்தார். இந்நிலையில் லியோ படத்தின் ஆரம்பக்கட்ட படப்பிடிப்பு காஷ்மீரில் நடந்து வருகிறது. எனவே லியோ விக்ரமிற்கு முன்னால் கதையாக இருக்கலாம் என அனுமானிக்கப்படுகிறது.
லியோ எனப்படும் விஜய்யை பற்றி ஆராய்ந்த பிறகே இந்த குழு விக்ரமை கண்டறிய தமிழ்நாடு வந்திருக்க வேண்டும் என கூறப்படுகிறது. எனவே லியோ திரைப்படத்திற்கும் விக்ரம் திரைப்படத்திற்கும் தொடர்பு இருக்கலாம் என நம்பப்படுகிறது.
