தமிழில் பிரபலமான இயக்குனர்களில் முக்கியமானவர் இயக்குனர் வெற்றிமாறன். மற்ற இயக்குனர்களை போல வெறும் சண்டை காட்சிகள் வைத்து படம் எடுக்கிறேன் என்று இல்லாமல் படத்தின் வழியாக முக்கியமான அரசியலை பேசக்கூடியவர் வெற்றிமாறன். இதனாலேயே வெற்றிமாறனுக்கு தமிழ் சினிமாவில் அதிக வரவேற்பு உண்டு.
வெற்றிமாறன் ஒரு பேட்டியில் பேசும்போது நடிகர் விஜயிடம் வாய்ப்பு தேடி போனது குறித்து பேசியிருந்தார். வெற்றிமாறன் பாலுமகேந்திராவிடம் உதவி இயக்குனராக இருந்தபோதே இயக்குனராவதற்காக முயற்சி செய்து வந்தார்.
அந்த நிலையில் விஜய் புது இயக்குனர்களுக்கு வாய்ப்பளிக்கிறார் என கேள்விப்பட்ட வெற்றிமாறன். விஜய்யை நேரில் சந்தித்துள்ளார். ஆனால் அவரை நேரில் சந்தித்தப்பிறகு வெற்றிமாறனுக்கு அவரிடம் கதை சொல்லவே வரவில்லை.
ஏனெனில் அப்போதே விஜய் பிரபலமான நடிகராக இருந்தார். ஆனால் விஜய்க்கு அந்த கதை அவ்வளவாக பிடிக்கவில்லை. அது என்ன கதை என்பதை வெற்றிமாறன் பகிர்ந்திருந்தார். கல்லூரி படித்து முடித்துவிட்டு நீண்ட நாட்கள் கழித்து கல்லூரியில் ரீ யூனியன் விழா நடக்கிறது. அதில் பங்கு கொள்ளும் அனைவரும் ஒரு நபருக்காக காத்திருக்கின்றனர். அந்த நபர் வேறு யாருமல்ல நம் விஜய்தான்
விஜய் கல்லூரி காலங்களில் செய்த விஷயங்களே கதையாக வருகிறது. இதை வெற்றிமாறன் பேட்டியில் பகிர்ந்திருந்தார்.
