News
சரக்குக்கு சபோர்ட் பண்ணி பேசி இருக்கீங்களே! – நிருபரின் கேள்விக்கு சரியான பதில் கொடுத்த நானி!
WhatsApp
Facebook
X
Threads
Instagram
தெலுங்கு சினிமாவில் பல படங்கள் தமிழில் பிரபலமாகியுள்ளன. இயக்குனர் ராஜமெளலி இயக்கும் படங்கள் யாவும் தெலுங்கு படங்கள் என்றாலும் தமிழிலும் நல்ல வரவேற்பை பெறக்கூடியவை. அதே போல நடிகர் நானிக்கு தமிழ் சினிமாவில் நல்ல வரவேற்பு உண்டு.
அவரது பல திரைப்படங்களில் தமிழில் டப்பிங் ஆகி இங்கு பிரபலமடைந்துள்ளது. நான் ஈ, ஜெர்சி, சியாம் சிங்கா ராய் போன்ற திரைப்படங்கள் இதில் முக்கியமானவை. தற்சமயம் தசரா என்கிற திரைப்படத்தில் நடித்து வருகிறார் நானி. இந்த படம் ஒரு பேன் இந்தியா திரைப்படமாக உருவாகியுள்ளது.
இந்த படத்தின் டீசர் வந்த நாள் முதலே ரசிகர்கள் மத்தியில் படத்திற்கான வரவேற்பு அதிகரித்து வருகிறது. இந்த நிலையில் தற்சமயம் பேட்டி ஒன்றில் அவர் கலந்துக்கொண்டபோது “படத்தின் டீசரில் சரக்கு அடிப்பது சம்பிரதாயம் என கூறியுள்ளீர்களே.. இதன் மூலம் மது அருந்துவதற்கு சப்போர்ட் செய்கிறீர்களா?” என நிருபர் கேட்டிருந்தார்.
நானி அதற்கு பதிலளிக்கும்போது “அந்த திரைப்படத்தின் கதைப்படி அந்த மக்கள் அனைவரும் சுரங்க தொழிலாளிகள். சுரங்கம் எப்போதும் வெப்பமாகவும், புழுதியாகவும் இருக்கும். எனவே அங்கு சென்று ஒரு மனிதர் வேலை பார்க்க வேண்டும் என்றாலே அவர் மது அருந்துவது அவசியமாகும். அங்குள்ள மக்கள் அதிகப்பட்சம் காலையிலேயே மது அருந்துவிட்டுதான் வேலைக்கு செல்கின்றனர்.
மது அவர்களது வாழ்வோடு கலந்துள்ளது. அதைதான் நான் குறிப்பிட்டுள்ளேன் என கூறியுள்ளார் நானி.
