தமிழில் மூடர்க்கூடம், கொலஞ்சி போன்ற படங்களை இயக்கி தமிழ் ரசிகர்களிடையே அறிமுகமானவர் இயக்குனர் நவீன். குறைந்த பட்ஜெட்டில் மக்கள் பேசும் அளவில் படம் எடுக்கக்கூடியவர் இயக்குனர் நவீன்.
இவர் இயக்கிய முதல் படமான மூடர் கூடம் தமிழ் மக்களிடையே அதிக வரவேற்பை பெற்றது. தற்சமயம் இவர் விஜய் ஆண்டனி மற்றும் அருண் விஜய் இருவரையும் கொண்டு அக்னி சிறகுகள் என்கிற படத்தை இயக்கி வருகிறார். பொதுவாக நடிகர் விஜய் ஆண்டனி வித்தியாசமான கதைக்களத்தை கொண்ட திரைப்படங்களில் நடிக்கக்கூடியவர். அதற்கு ஏற்றாற் போல இயக்குனர் நவீனும் புதிய புதிய கதைகளை படமாக்கக்கூடியவர். மேலும் படத்தில் அருண் விஜய்யும் இருப்பதால் இந்த படத்திற்கு மக்களிடையே அதிக வரவேற்பு நிலவி வருகிறது.
இந்நிலையில் அக்னி சிறகுகள் திரைப்படத்தின் டீசர் நாளை வெளியாகும் என தெரிவிக்கப்பட்டுள்ளது. இந்த படத்தின் டீசரை நடிகர் சூர்யா தனது டிவிட்டர் பக்கத்தில் நாளை மாலை 5 மணிக்கு வெளியிடுகிறார் என கூறப்பட்டுள்ளது.
இந்த படம் இயக்குனர் நவீனுக்கு ஒரு முக்கியமான திரைப்படமாக அமையும் என எதிர்ப்பார்க்கப்படுகிறது.
