விக்ரம் திரைப்படத்திற்கு பிறகு கமல்ஹாசன் பெரும் பட்சத்தில் நடித்து வரும் திரைப்படம் இந்தியன் 2. இந்தியன் படத்தின் முதல் பாகமே தமிழக அளவில் பெரும் வரவேற்பு பெற்ற திரைப்படமாகும். அப்பொழுது இயக்குனர் ஷங்கருக்கு மிகப்பெரும் வரவேற்பை பெற்று தந்த படமாக இந்தியன் இருந்தது.
இதனை தொடர்ந்து தப்பித்த இந்தியன் தாத்தாவின் தொடர்ச்சியாக இந்தியன் படத்தின் இரண்டாம் பாகம் வெகு நாட்களுக்கு முன்பே எடுக்கப்பட்டது. ஆனால் படத்தின் படப்பிடிப்பிற்கு தாமதமானதால் அதை முடிப்பதற்கும் தாமதமாகிவிட்டது.
இந்த நிலையில் படத்தின் மூன்றாம் பாகத்தையும் சேர்த்து எடுத்துவிட்டார் ஷங்கர் என்று ஒரு செய்தி பரவி வருகிறது. அதாவது மூன்றாம் பாகத்தை முழுமையாக எடுத்து முடித்து விட்டார்களாம். இரண்டாம் பாகத்தில் ஒரு சில காட்சிகள் மட்டும் இன்னும் திரும்ப எடுக்க வேண்டி இருக்கிறதாம்.
அதன்படி கமலை வைத்து இரண்டு படங்களையும் எடுத்து விட்டதால் மேலும் 120 கோடியை சம்பளமாக கேட்டுள்ளார் கமல். இதனையடுத்து அடுத்த வருடம் ஒரு படம் அதற்கு அடுத்த வருடம் ஒரு படம் என இரண்டு வருடங்களில் வரிசையாக இரண்டு பாகத்தையும் வெளியிட திட்டமிட்டுள்ளார்கள். நிச்சயமாக இந்த படம் கமலுக்கு முக்கியமான திரைப்படமாக அமையும் என்று எதிர்பார்க்கப்படுகிறது.
