இயக்குனர் லோகேஷ் கனகராஜ் இயக்கத்தில் தற்சமயம் உருவாகியிருக்கும் திரைப்படம் கூலி. வருகிற 14-ஆம் தேதி இந்த திரைப்படம் திரைக்கு வர இருக்கிறது.
கூலி திரைப்படம் குறித்து மக்கள் மத்தியில் அதிக எதிர்பார்ப்பு இருந்து வருகிறது. ஏனெனில் முதன்முதலாக லோகேஷ் கனகராஜ் இயக்கத்தில் ரஜினி நடிக்கும் திரைப்படமாக கூலி இருக்கிறது.
லோகேஷ் கனகராஜ் எப்போது ஆக்சன் திரைப்படங்களை இயக்க துவங்கினாரோ அப்போது முதலே ரஜினியை வைத்து அவர் ஒரு திரைப்படம் இயக்கினால் நன்றாக இருக்கும் என்பது மக்களது ஆசையாக இருந்தது.
அதனை நிவர்த்தி செய்யும் வகையில்தான் கூலி படம் வெளியாக இருக்கிறது. இந்த நிலையில் இந்த படத்தின் புக்கிங் ஓபன் ஆன நிலையில் தற்சமயம் முக்கால்வாசி திரையரங்குகளில் காட்சிகள் முழு புக்கிங் ஆகி இருக்கின்றன.
வெளிநாடுகளை பொறுத்தவரை அங்கும் நல்ல வரவேற்பை பெற்று இருக்கிறது கூலி திரைப்படம். லியோ படம் முன்பதிவில் அமெரிக்காவில் மொத்தமாக 1.80 மில்லியன் டாலர் வசூல் செய்து இருந்தது.
ஆனால் கூலி திரைப்படம் 1.86 மில்லியன் டாலர் வசூல் செய்து அந்த சாதனையை முறியடித்து இருக்கிறது. தொடர்ந்து வசூல் சாதனையிலும் கூட லியோ படத்தை கூலி முறியடிக்கலாம் என பேச்சுக்கள் இருக்கின்றன.
