இயக்குனர் லோகேஷ் கனகராஜை பொருத்தவரை அவர் திரைப்படம் குறித்து வெளியிடும் ப்ரோமோ வீடியோவிற்கும் படத்திற்கும் எந்த ஒரு சம்பந்தமும் இல்லாமல் இருக்கும்.

விக்ரம் திரைப்படத்திலேயே இந்த விஷயத்தை பார்க்க முடியும். விக்ரம் திரைப்படத்தில் கமல்ஹாசன் சமைத்து வாழை இலையை விரித்து போட்டு உணவு வைத்து விட்டு ஆரம்பிக்கலாமா? என்று கேட்பார்.

ஆனால் அந்த ப்ரோமோவிற்கும் பிறகு வந்த விக்ரம் படத்திற்கும் இடையே எந்த ஒரு தொடர்பும் இல்லை. அதே போலதான் கூலி திரைப்படத்திற்கும் ஒரு ப்ரோமோ வெளியாகி இருந்தது.

அந்த ப்ரோமோவில் வாட்ச் வைத்து செய்த ஒரு சங்கலியை கையில் எடுத்துக் கொண்டு வரும் ரஜினி ஒரு கூட்டத்தை அடிப்பதாக ப்ரோமோ இருந்தது.

வழக்கம் போல இந்த ப்ரோமோவிற்கும் படத்திற்கும் இடையே எந்த ஒரு தொடர்பும் இருக்காது என்பது மக்களது எண்ணமாக இருந்தது. ஆனால் அதற்கும் படத்திற்கும் இடையே தொடர்பு உண்டு என்பதை லோகேஷ் கனகராஜ் சமீபத்தில் ஒரு பேட்டியில் கூறியிருக்கிறார்.

அதில் அவர் கூறும் பொழுது கடிகாரங்களை செய்யும் ஒரு நிறுவனத்தில் தான் கூலியாக வேலை செய்கிறார் ரஜினிகாந்த். அதனால்தான் அப்படியான ஒரு காட்சியை அமைத்திருந்தேன் என்று கூறுகிறார் லோகேஷ் கனகராஜ்.

தற்சமயம் நடிகர் ரஜினிகாந்த் நடிப்பில் உருவாகி அதிக எதிர்பார்ப்பை உருவாக்கி இருக்கும் திரைப்படமாக கூலி திரைப்படம் இருக்கிறது. கூலி திரைப்படம் இயக்குனர் லோகேஷ் கனகராஜ் இயக்கிய ஒரு திரைப்படமாகும்.

பொதுவாகவே லோகேஷ் கனகராஜ் ஆக்ஷன் திரைப்படங்களை சிறப்பாக எடுக்கக்கூடியவர். அதனால் கூலி திரைப்படமும் சிறப்பான திரைப்படமாக இருக்கும் என்று எதிர்பார்க்கப்படுகிறது.

ரஜினிகாந்த் திரைப்படத்தை பொறுத்தவரை அதை குடும்பமாக  சென்று பார்ப்பதை ரசிகர்கள் வழக்கமாக கொண்டிருக்கின்றனர். ஆனால் கூலி திரைப்படத்தில் அது கொஞ்சம் கஷ்டம் என தெரிகிறது.

ஏனெனில் கூலி திரைப்படத்தில் சண்டைக் காட்சிகளும் ரத்த காட்சிகளும் அதிகமாக இருப்பதாக கூறப்படுகிறது. இதனால் இந்த திரைப்படத்திற்கு ஏ சான்றிதழ் வழங்கப்பட்டுள்ளது.

ஏ சான்றிதழ் வழங்கப்பட்ட திரைப்படத்தை 18 வயதிற்கும் கீழ் உள்ளவர்கள் பார்க்க கூடாது என்பது விதிமுறை ஆகும். ஆனாலும் தமிழ்நாட்டில் பெரிதாக திரையரங்குகள் இந்த விதிமுறைகளை பின்பற்றுவது கிடையாது.

எனவே தமிழ்நாட்டின் குடும்பமாக சென்று பார்க்க வாய்ப்புகள் இருந்தாலும் கூட வெளிநாடுகளில் இந்த விதிமுறை முக்கியமானதாக பார்க்கப்படும்பதால் அங்கே குடும்பத்துடன் சென்று கூலி திரைப்படத்தை பார்ப்பது சிக்கலான விஷயமாக இருக்கும் என்று கூறப்படுகிறது.