வெகு வருடங்களாகவே தமிழ் சினிமாவில் ஜூனியர் ஆர்டிஸ்ட் ஆக இருந்து வருபவர் நடிகர் கிங்காங்.
ரஜினி திரைப்படங்களில் துவங்கி வடிவேலு காமெடிகள் என்று பல படங்களில் இவரை காண முடியும். இந்த நிலையில் சமீபத்தில் பிரம்மாண்டமாக தனது மகளின் திருமணத்தை நடத்தினார் நடிகர் கிங் காங்.
இந்த திருமணத்திற்கு பிரபலங்கள் பலரும் வரவேண்டும் என்பது அவரது ஆசையாக இருந்தது. எனவே சிவகார்த்திகேயன் சந்தானம் என்று தமிழ் சினிமாவில் பெரிய நட்சத்திரமாக இருக்கும் பலருக்கும் அவர் பத்திரிக்கை வைத்தார்.
ஆனால் திருமணம் நடந்த பொழுது தமிழ் சினிமாவில் பிரபலமாக இருக்கும் எந்த நடிகர்களுமே அந்த திருமணத்திற்கு வரவில்லை. தமிழ்நாட்டின் முதலமைச்சர் ஸ்டாலின் கூட அந்த திருமணத்திற்கு வருகை புரிந்து இருந்தார்.
ஆனால் திரைப்பட கலைஞர்கள் பெரிதாக வரவில்லை இது அதிக விமர்சனத்திற்கு உள்ளானது. முக்கியமாக கிங்காங்கின் மகள் சிவகார்த்திகேயனின் மிகப்பெரிய ரசிகர். இந்த விஷயத்தை அறிந்த சிவகார்த்திக்கேயன் திருமணம் முடிந்த பிறகு கிங்காங் வீட்டில் நேரில் சந்தித்து அவரது மகளுக்கு ஆசி வழங்கி விட்டு வந்துள்ளார்.
