Barathiraja and Bhagyaraj: குடும்ப படங்கள் இயக்கும் இயக்குனர்களில் முக்கியமானவர் பாக்கியராஜ். பெரும்பாலும் அவரது திரைப்படங்களில் கதாநாயகன் மிடில் க்ளாஸ் குடும்பத்தை சேர்ந்த ஒரு கதாநாயகனாகவோ அல்லது ஏழை குடும்பத்தை சேர்ந்தவராகதான் இருப்பார்.
இப்படி ஏழை மக்களின் வாழ்வில் இருந்து கதையை பிடிப்பதற்கு அவருக்கு பாரதிராஜாதான் உதவினார். ஒருமுறை பாரதிராஜாவை சந்தித்தப்போது பாக்கியராஜ் அவரிடம் டார்லிங் டார்லிங் டார்லிங் என்னும் திரைப்படத்தை இயக்கி வருகிறேன் என கூறியுள்ளார்.
என்னையா படம் பேரே ரொம்ப ரொமாண்டிக்கா இருக்கே என கதையை கேட்டுள்ளார் பாரதிராஜா. பாக்கியராஜும் கதையை கூறியுள்ளார். கதை நல்ல சுவாரஸ்யமாக இருக்கிறது என கூறியுள்ளார் பாரதிராஜா. உடனே பாக்கியராஜ், இந்த கதையே உங்கள் படத்தின் கதைதான்.. 16 வயதினிலே படத்தை வைத்துதான் இதன் கதையை எழுதினேன் என கூறியுள்ளார் பாக்கியராஜ்.
உடனே ஆச்சரியமடைந்த பாரதிராஜா, 16 வயதினிலே திரைப்படத்திற்கும் இந்த படத்திற்கும் தொடர்பே இல்லையே என்றார். அப்போது விளக்கிய பாக்கியராஜ், 16 வயதினிலே படத்தில் ஒரு அப்பாவில் கிராமத்தான் அவனை விட அழகான மயில் என்னும் பெண்ணை காதலிப்பான். ஆனால் அவள் அவனது காதலை கண்டுக்கொள்ள மாட்டாள்.
அதே போல இந்த படத்தில் மிகவும் அப்பாவியான ஒரு இளைஞன் சிறுவயதில் பணக்கார முதலாளி பெண்ணை காதலிக்கிறான். ஆனால் அவள் இவனது காதலை புரிந்துக்கொள்ளவில்லை. 16 வயதினிலே திரைப்படத்தில் அந்த மருத்துவர் தன்னிடம் தவறான நோக்கத்தில் பழகுகிறான் என புரியும்போதுதான் மயிலுக்கு சப்பாணியின் காதல் தெரியும்.
அதே போல இந்த படத்திலும் தனக்கு நிச்சயிக்கப்பட்ட இளைஞன் தவறாக நடந்துக்கொள்ள முயலும்போதுதான் கதாநாயகனின் காதல் அவளுக்கு தெரியும். அடிப்படையில் இரண்டும் ஒரே கதைதான் மாற்றி காட்டும் விதத்தில் மட்டும் மாற்றங்களை சேர்த்துள்ளேன் என கூறியுள்ளார் பாக்கியராஜ்.
ஹாலிவுட் படங்களை அதன் உரிமையாளர்களிடம் கேட்காமல் படமாக்கும் சில இயக்குனர்களுக்கு நடுவே பாக்கியராஜ் மாதிரியான இயக்குனர்களும் இருக்கதான் செய்கிறார்கள்.
