Actress Ramyakrishnan : தமிழ் சினிமாவில் ஒவ்வொரு இயக்குனருக்கும் நடிகருக்கும் அப்போது இருந்த ஆசை என்னவென்றால் சிவாஜி கணேசன் உடன் ஒரு படமாவது நடிக்க வேண்டும் அல்லது சிவாஜி கணேசனை வைத்து ஓர் திரைப்படமாவது இயக்கி விட வேண்டும் என்கிற ஆசை பலருக்கும் இருந்தது.
இந்த ஆசை இயக்குனர் பாரதிராஜாவிற்கும் இருந்தது. எனவே அவர் சிவாஜி கணேசனிடம் சென்று உங்களை வைத்து ஒரு திரைப்படம் எடுக்க இருக்கிறேன் என் படத்தில் நடிப்பீர்களா என கேட்டுள்ளார்.
சிவாஜி கணேசன் அதற்கு ஒப்புக்கொள்ள சிவாஜி கணேசன் உடன் ஒரு போட்டோவை எடுத்துக்கொண்டு பாரதிராஜா வீட்டிற்கு வந்துவிட்டார். அதன்பிறகு பசும்பொன் என்கிற தலைப்பில் ஒரு கதையை எழுதினார் பாரதிராஜா.
ஆனால் அதில் எவ்வளவு மாறுபாடுகள் செய்தும் அந்த கதை அவர்களுக்கு ஒத்து வரவில்லை எனவே அதை ஒதுக்கிய பாரதிராஜா வேறு ஒரு கதையை தன்னிடம் இருந்த துணை இயக்குனரிடம் இருந்து கேட்டார். கிராமத்திற்கு பிழைக்க வரும் ஒரு பெண்ணுக்கும் அந்த கிராமத்தில் இருக்கும் பெரிய மனிதருக்கும் இடையே நடக்கும் காதலை அடிப்படையாகக் கொண்ட கதை.
அதை கேட்டதும் அதையே படமாக்கலாம் என்று யோசித்தார் பாரதிராஜா. அதுதான் முதல் மரியாதை. முதல் மரியாதை திரைப்படத்தில் சிவாஜி கணேசனுக்கு ஜோடியாக ராதா நடித்திருப்பார். ஆனால் முதலில் ராதாவை நடிக்க வைப்பதற்கு திட்டமே இல்லை.
ஏனெனில் அதற்கு முந்தைய படம் எடுத்துக் கொண்டிருந்த பொழுதே ரம்யா கிருஷ்ணன் பாரதிராஜாவை சந்தித்து அவரிடம் வாய்ப்பு கேட்டிருந்தார். இந்த திரைப்படம் ஏற்கனவே படம் பிடிக்க துவங்கி விட்டது. இதில் ஏற்கனவே கதாநாயகிகளும் இருக்கிறார்கள்.
எனவே அடுத்த படத்தில் உன்னை சேர்த்துக் கொள்கிறேன் என்று கூறியிருந்தார் பாரதிராஜா. ஆனால் அடுத்த படம் வருவதற்கு முன்பே ரம்யா கிருஷ்ணன் வேறு ஒரு படத்தில் சேர்ந்து நடிக்க துவங்கிவிட்டார். இதனை அறிந்த பாரதிராஜா அதன் பிறகு தன்னுடைய திரைப்படத்தில் ரம்யா கிருஷ்ணனின் சேர்த்துக் கொள்ளவே இல்லை. ஒருவேளை ரம்யா கிருஷ்ணன் மட்டும் அப்பொழுது கொஞ்சம் காத்திருந்தால் முதல் மரியாதை திரைப்படத்திலேயே அவருக்கு வாய்ப்பு கிடைத்திருக்கும்.
