முகுந்த் ஓட சாதி பத்தி ஏன் பேசல?.. அமரன் குறித்து கடுப்பான நடிகை கஸ்தூரி..! பதிலடி கொடுத்த இயக்குனர்!..

Actress Kasthuri recently created a controversy by saying that director did not talk about Mukund Varadarajan’s caste in Amaran. At this stage, the director of the film, Rajkumar Periyasamy, has explained this.

தமிழ்நாட்டில் மிக முக்கியமான ராணுவ வீரரான முகந்த் வரதராஜ் என்பவரின் வாழ்க்கை கதையை அடிப்படையாகக் கொண்டு தற்சமயம் சிவகார்த்திகேயன் நடித்து வெளியாகியிருக்கும் திரைப்படம் அமரன்.

முகுந்த் வரதராஜ் என்கிற ராணுவ வீரர் இந்திய ராணுவத்தில் உயர் பதவியில் இருந்து நாட்டுக்காக உயிரை விட்ட ஒரு வீரராக பார்க்கப்படுகிறார். எனவே அவரது கதையை படம் படமாக்க வேண்டும் என்பது படத்தின் இயக்குனரான ராஜ்குமார் பெரியசாமிக்கு வெகு நாட்களாகவே ஆவலாக இருந்ததாக கூறப்படுகிறது.

இந்த நிலையில்தான் கமல்ஹாசன் தயாரிப்பில் அமரன் திரைப்படம் உருவானது. அமரன் திரைப்படம் வெளியான மூன்றே நாட்களில் 125 கோடி வசூல் செய்து பெரும் சாதனை படைத்திருக்கிறது. தமிழில் முன்னணி நடிகர்களின் வசூலை கிட்டத்தட்ட தொட்டு இருக்கிறார் சிவகார்த்திகேயன்.

அமரன் திரைப்படம்:

இந்த நிலையில் இந்த படம் குறித்து நிறைய நேர்மறையான விமர்சனங்கள் வந்து கொண்டிருக்கின்றன. மேலும் ஒவ்வொரு மாநிலத்திலும் இந்த படத்திற்கான திரையரங்குகளின் எண்ணிக்கையும் அதிகரித்து வருகிறது எப்படியும் விஜய் படங்கள் கொடுக்கும் அளவிற்கான ஒரு வசூலை அமரன் கொடுக்கும் என்று எதிர்பார்க்கப்படுகிறது.

இதற்கு நடுவே இந்த படம் குறித்து சர்ச்சைக்குள்ளான கேள்விகளை எழுப்பி இருக்கிறார் நடிகை கஸ்தூரி. நடிகை கஸ்தூரி இது குறித்து ஒரு பேட்டியில் பேசும் பொழுது முகுந்த் வரதராஜன் ஜாதி என்னவென்று படத்தில் காட்டவே இல்லை.

பதிலடி கொடுத்த இயக்குனர்

இப்பொழுது எடுக்கும் திரைப்படங்களில் எல்லாம் ஒடுக்கப்பட்ட சமூகத்தினர் என்று ஜாதியை காட்டுவதை பார்க்க முடிகிறது அப்படி இருக்கும் பொழுது முகுந்த் வரதராஜன் ஒரு பிராமணர் ஆவார். அவர் பிராமணர் என்பதை ஏன் படத்தில் காட்டவில்லை.

பிராமணர் என்றாலே அடிவாங்கும் கதாபாத்திரமாகவும் கஷ்டங்களை தாங்கிக் கொள்ளும் கதாபாத்திரங்களும்தான் காட்ட வேண்டுமா என்று கேட்டிருந்தார் கஸ்தூரி. இந்த நிலையில் இதற்கு பதிலளிக்கும் விதமாக படத்தின் இயக்குனர் ஒரு மேடையில் பேசியிருந்தார்.

அதில் அவர் கூறும் பொழுது இந்த படத்தை எடுக்கும் பொழுது முகுந்த் வரதராஜின் குடும்பத்தினர் ஒரு இந்தியன் அல்லது தமிழன் என்ற அடையாளத்தில் மட்டுமே தனது மகன் தெரிய வேண்டும் என்று கூறிவிட்டனர். எனவேதான் நாங்கள் அந்த அடிப்படையிலேயே படத்தை எடுத்திருக்கிறோம் என்று பதில் அளித்து இருக்கிறார்.