தமிழ்நாட்டில் எல்லா காலங்களிலுமே அரசியல் தொடர்பான திரைப்படங்களுக்கு என்று தனிப்பட்ட வரவேற்பு உண்டு. பெரும்பாலும் ஆர்.ஜே பாலாஜி அதிக வெற்றி பெற்ற ஒரு நடிகராக மாறியதற்கு அவர் அரசியல் சார்ந்த கதைக்களங்களை தேர்ந்தெடுத்தது தான் காரணமாக இருந்தது.
அவர் நடித்த எல்.கே.ஜி திரைப்படமே எக்கச்சக்கமான அரசியல் காமெடிகளை கொண்ட படமாகதான் இருந்தது. அதேபோல ஒரு காலகட்டத்தில் அதிக வரவேற்பை பெற்ற ஒரு அரசியல் படமாக இருந்த திரைப்படம் தான் அமைதிப்படை.
இயக்குனர் மணிவண்ணன் இயக்கத்தில் உருவான அமைதிப்படைக்கும் நிகரான ஒரு அரசியல் திரைப்படம் இன்னமும் தமிழ் சினிமாவில் வரவில்லை என்றுதான் கூற வேண்டும்.
இந்த நிலையில் இதுக்குறித்து சத்யராஜ் ஒரு பேட்டியில் கூறியிருந்தார் அவர் கூறும் பொழுது ஒருமுறை என்னிடம் பட வாய்ப்பு கேட்டு வந்த ஒரு இயக்குனர் அமைதிப்படை போன்ற கதை ஒன்றை வைத்து இருக்கிறேன் என்று கூறினார்.
ஆனால் மணிவண்ணனை தவிர வேறு யாராலும் அப்படி ஒரு படத்தை எடுக்க முடியாது. இதை நான் சொல்வதற்காக மற்ற இயக்குனர்கள் கோபித்துக் கொள்ள வேண்டாம். ஏனெனில் அமைதிப்படை எடுக்க வேண்டுமென்றால் அதற்கு அதிக அரசியல் தெரிந்திருக்க வேண்டும்.
அரசியலில் உள்ள எல்லா தலைவர்களையும் திட்டி விட வேண்டும் பாரபட்சம் பார்க்காமல் அரசியலை பேசிவிட வேண்டும் அந்த தைரியம் இருந்தால் மட்டும்தான் அமைதிப்படை மாதிரியான ஒரு படத்தை எடுக்க முடியும் என்று கூறியிருக்கிறார் சத்யராஜ்.
