இயக்குனர் சீனு ராமசாமி தொடர்ந்து தமிழ் சினிமாவில் கிராமம் சார்ந்த கதைக்களங்களை தேர்ந்தெடுத்து இயக்கி வருகிறார். அப்படியாக அவர் இயக்கிய திரைப்படம்தான் இடம் பொருள் ஏவல். 10 வருடங்களுக்கு முன்பே இயக்குனர் சீனு ராமசாமி இயக்கத்தில் இந்த படம் உருவானது.
இந்த திரைப்படத்தில் விஜய் சேதுபதி மற்றும் நடிகர் விஷ்ணு விஷால் முக்கிய கதாபாத்திரங்களாக நடித்தனர். நடிகை ஐஸ்வர்யா ராஜேஷ் விஜய் சேதுபதிக்கு ஜோடியாகவும், நடிகை நந்திதா ஸ்வேதா விஷ்ணு விஷாலுக்கு ஜோடியாகவும் நடித்தனர்.
இந்த படத்தில் நடிகை வடிவுக்கரசி, நடிகர் பாலசரவணன், அழகம்பெருமாள், இளவரசு போன்றோர் முக்கிய கதாபாத்திரத்தில் நடித்தனர். இயக்குனர் லிங்குசாமி இந்த படத்தை தயாரித்தார். யுவன் சஙக்ர் ராஜா இசையில் உருவான இந்த திரைப்படத்தின் முழு படப்பிடிப்பும் முடிந்துவிட்ட நிலையிலும் படம் இன்று வரை திரைக்கு வராமலேயே இருக்கிறது.
லிங்குசாமி இந்த திரைப்படத்தை தயாரிப்பதற்கு வெளியில் கடன் வாங்கி இருந்தார். அதில் ஏற்பட்ட பிரச்சனையால்தான் அந்த படம் இப்போது வரை வெளியாகவில்லை என கூறப்படுகிறது. ஒருவேளை இந்த பிரச்சனைகள் தீரும் பட்சத்தில் அந்த படத்தை திரையரங்கில் காண வாய்ப்பிருக்கிறது.
