நடிகர் தனுஷ் சினிமாவிற்கு வர வேண்டும் என ஆசைப்பட்டவர்களில் முதன்மையானவர் இயக்குனர் கஸ்தூரி ராஜா. தமிழ் சினிமாவில் பல காலங்களாக இயக்குனராக இருந்தவர் கஸ்தூரி ராஜா. இவர் இயக்கிய பல படங்கள் அப்போது பெரும் ஹிட் கொடுத்துள்ளன.
முதலில் இவர் இயக்குனர் விசுவிடம் உதவி இயக்குனராக பணிப்புரிந்தார். பல படங்களில் அவருடன் பணிப்புரிந்ததன் மூலம் படம் இயக்குவது குறித்து கற்றுக்கொண்ட கஸ்தூரி ராஜா தனியாக படம் இயக்க துவங்கினார். அப்படி அவர் இயக்கிய முதல் திரைப்படம்தான் 1991 இல் வெளிவந்த என் ராசாவின் மனசிலே.
அந்த படத்தின் வெற்றியை தொடர்ந்து வரிசையாக கிராமம் சார்ந்த படங்களாக எடுத்து வந்தார். 1997 இல் எட்டுப்பட்டி ராசா என்கிற திரைப்படத்தை இயக்கினார். இந்த திரைப்படத்தில் கதாநாயகியாக குஷ்பு நடித்தார். அந்த படத்தில் நடந்த ஒரு சம்பவத்தை பேட்டியில் பகிர்ந்துள்ளார் கஸ்தூரி ராஜா.
படத்திற்கான ஒரு காட்சியை எடுப்பதற்கு குஷ்புவிற்கு ஆடை மாற்ற வேண்டி இருந்தது. அப்போதெல்லாம் மரத்திற்கு பின்னால் சென்றுதான் கதாநாயகிகள் ஆடையை மாற்றி வருவார்கள். ஆனால் படப்பிடிப்பு தளத்தில் மரங்களே இல்லை. ஒரே வெட்டவெளியாக இருந்தது. இருந்தாலும் இந்த விஷயத்தை கேள்விப்பட்ட குஷ்பு உடனே நான்கு புடவையை கட்டி அதில் ஆடையை மாற்றிக்கொண்டு நடிக்க வந்துவிட்டார் என கூறுகிறார் இயக்குனர்.
மேலும் கூறும்போது குஷ்புவை வைத்து நான் 8 படங்கள் இயக்கினேன். குஷ்புவிற்கு வயதானபோது வருத்தப்பட்டவர்களில் நானும் ஒருவன் என வெளிப்படையாக கூறியுள்ளார் கஸ்தூரி ராஜா.
