தமிழில் உள்ள திரை கலைஞர்களில் மக்கள் மத்தியில் மாறாத இடம் பிடித்தவர் நடிகர் விஜயகாந்த். இவர் பிரபலமாக இருந்த காலகட்டங்களில் அவரது திரைப்படங்களுக்கு மக்கள் மத்தியில் அதிக வரவேற்பு இருந்தது இதனால் தொடர்ந்து பல படங்களில் நடித்தார்.
தமிழ் சினிமாவில் ஒரு வருடத்தில் அதிகமாக கதாநாயகனாக திரைப்படங்கள் நடித்த நடிகராக விஜயகாந்த் இருக்கிறார். ஒரு வருடத்தில் கிட்டத்தட்ட 18 திரைப்படங்கள் வரை கதாநாயகனாக நடித்துள்ளார் விஜயகாந்த்.
பொதுவாக விஜயகாந்த் யாருக்குமே பயப்பட மாட்டார் என்று பலர் கூறுவது உண்டு. அதை நிரூபிக்கும் வகையில் அவர் வாழ்க்கையில் பல நிகழ்வுகள் நடந்துள்ளன. ஆனால் வருமான வரி அதிகாரிகளிடமே அப்படி ஒரு சம்பவத்தை செய்துள்ளார் கேப்டன் விஜயகாந்த்.
ஒருமுறை விஜயகாந்தின் வீட்டிற்கு வருமான வரி சோதனை செய்பவர்கள் சோதனை செய்வதற்காக வந்திருந்தனர். அப்போது விஜயகாந்திடம் அவரது சொத்து மதிப்பு குறித்து கேள்விகள் கேட்டனர்.
ஆனால் விஜயகாந்துக்கு அவரது சொத்துக்கள் குறித்து எதுவும் தெரியாது. அவரது மேலாளர்தான் அதையெல்லாம் கவனித்து வந்தார். எனவே விஜயகாந்த் அதுக்குறித்து எனக்கு எதுவும் தெரியாது என கூறிவிட்டார். இதனால் கோபமடைந்த வருமான வரி அதிகாரிகள் இப்படியெல்லாம் பேசி கொண்டிருந்தால் தகுந்த நடவடிக்கை எடுப்போம் என கூறியுள்ளனர்.
அதை கேட்டதும் கேப்டனுக்கு மிகுந்த கோபம் வந்துவிட்டது. உங்களால் என்ன செய்ய முடியுமோ செய்து கொள்ளுங்கள் என கூறிவிட்டார். அதன் பிறகுதான் உண்மையிலேயே விஜயகாந்திற்கு எதுவுமே தெரியாது என்கிற விஷயம் வருமான வரி அதிகாரிகளுக்கு தெரிந்துள்ளது.
