தமிழில் உள்ள முன்னணி இயக்குனர்களில் முக்கியமானவர் இயக்குனர் லோகேஷ் கனகராஜ். கிட்டத்தட்ட ஐந்து படங்கள் இயக்கி முடிப்பதற்க்குள்ளாகவே இந்த அளவிற்கான முன்னேற்றத்தை தமிழில் வேறு எந்த இயக்குனருமே கண்டதில்லை என கூறலாம்.
தற்சமயம் விஜய்யை வைத்து லியோ திரைப்படத்தை இயக்கி வருகிறார் லோகேஷ் கனகராஜ். இந்த படத்தின் படப்பிடிப்புகள் முடிந்து அடுத்தக்கட்ட வேலைகள் சென்றுக்கொண்டுள்ளன. இந்த நிலையில் தொடர்ந்து லியோ படத்திற்கான அப்டேட்களை வெளியிட்டு வருகிறார் லோகேஷ் கனகராஜ்.
அதன்படி தற்சமயம் சில போஸ்டர்களை வெளியிட்டுள்ளார். இந்த போஸ்டர்களை வைத்தே படத்தின் கதையை அனுமானிக்க முயற்சி செய்து வருகின்றனர் அவரது ரசிகர்கள். எப்போதும் லோகேஷ் கனகராஜ்க்கு ஒரு பழக்கம் உண்டு.
எந்த ஹீரோவை வைத்து படம் இயக்குகிறாரோ அவர்களது பழைய படங்களில் இருந்து ரெஃபரன்ஸ் எடுப்பது லோகேஷின் வழக்கம். அந்த வகையில் தற்சமயம் வெளியாகியிருக்கும் ஒரு போஸ்டர் விஜய்யின் பழைய திரைப்படமான நாளைய தீர்ப்பு திரைப்படத்தின் காட்சியோடு ஒத்துபோவதை கண்டறிந்துள்ளனர் ரசிகர்கள்.
