எம்.ஜி.ஆர் சிவாஜி கணேசனுக்கு பிறகு தமிழ் சினிமாவில் மிகப்பெரும் போட்டி நடிகர்களாக இருந்தவர்கள் கமல்ஹாசனும் ரஜினிகாந்தும்தான், இருவருமே பெரும் போட்டி நடிகர்கள் என்றாலும் எம்.ஜி.ஆர் சிவாஜி போல தனிப்பட்ட வாழ்க்கையில் அவர்களுக்குள் எந்த ஒரு போட்டியும் கிடையாது.
ஏனெனில் இருவரும் ஒன்றாக பல படங்கள் நடித்துள்ளனர், இருவரும் இப்போதும் கூட நண்பர்களாகத்தான் இருந்து வருகின்றனர். தற்சமயம் லோகேஷ் கனகராஜ் விக்ரம் படத்தின் மூன்றாம் பாகத்தை தான் இயக்க இருந்தார்.ஆனால் ரஜினிக்காக அதை விட்டுக் கொடுத்துவிட்டார் கமல்.
அதுவே அவர்கள் நட்பு இன்றும் தொடர்வதற்கு ஒரு உதாரணமாகும். முக்கியமாக கமல்ஹாசன் மீது அதிக மரியாதை கொண்டவர் ரஜினிகாந்த் ஒரு பேட்டியில் இது குறித்து ரஜினிகாந்த் கூறும் பொழுது நான் சினிமாவில் வாய்ப்பு தேடி வந்த பொழுதே கமல்ஹாசன் சூப்பர் ஸ்டாராக இருந்தார் என்று கூறியிருந்தார்.
நடிகர் இளவரசு ஒரு முறை பேட்டியில் கூறும்போது சில தகவல்களை பகிர்ந்திருந்தார். லிங்கா படத்தின் படப்பிடிப்பு நடந்து கொண்டிருந்தப்பொழுது கால் மேல் கால் போட்டு அமர்ந்திருந்தார் ரஜினிகாந்த். அப்போதுதான் கோச்சடையான் படம் வெளியாகி இருந்தது அதை பார்க்குமாறு அவர் கமலிடம் சொல்லி கூறியிருந்தார்.
அந்த படத்தை பார்த்துவிட்டு கமல், ரஜினிக்கு போன் செய்தார். கமல் போன் செய்தார் என்பதை கேட்டதுமே கால் மேல் போட்டிருந்த காலை கீழே இறக்கி வைத்துவிட்டு ஃபோனை வாங்கி பேசினார் ரஜினி. மிகவும் அடக்கமாக பேசிவிட்டு பிறகு ஃபோனை கட் செய்த பிறகு மீண்டும் கால் மேல் கால் போட்டு அமர்ந்து கொண்டார்.
அந்த அளவிற்கு கமலிடம் ஃபோனில் பேசும்போது கூட மரியாதை கடைபிடிப்பவராக ரஜினி இருந்திருக்கிறார் என்று இளவரசு தனது பேட்டியில் கூறியுள்ளார்.
