துணிவு படத்தின் வெற்றிக்குப் பிறகு அஜித் நடிக்கும் அடுத்த படம் விடாமுயற்சி. இந்த படம் லியோ படத்திற்கு போட்டியாக தயாராகும் என்று எதிர்பார்க்கப்பட்டது. ஆனால் இடையில் அஜித் உலக சுற்றுலா சென்றதன் காரணமாக இந்த படம் தாமதமானது.
லியோ படத்தின் படப்பிடிப்பு முடிந்து அந்த படம் வெளியாக இருக்கும் நிலையில் தற்சமயம் விஜய்யின் அடுத்த படத்தோடு போட்டி போட முடிவு செய்துள்ளது விடாமுயற்சி குழு. விஜய் அடுத்து வெங்கட் பிரபுவுடன் நடிக்கும் திரைப்படத்தில் மொத்தம் இரண்டு விஜய் கதாபாத்திரங்கள் என கூறப்பட்டுள்ளது.
எனவே கதாநாயகிகளும் இரண்டு பேர் இருப்பதாக கூறப்பட்டுள்ளது. இந்த நிலையில் விடாமுயற்சி திரைப்படத்திலும் இரண்டு அஜித் கதாபாத்திரங்கள் என கூறப்படுகிறது. இந்த படத்திலும் இரண்டு கதாநாயகிகள் இருக்கின்றனர்.
எனவே ஒருவேளை விடாமுயற்சி தளபதி 68ம் ஒன்றாக பொங்கலை முன்னிட்டு வெளியானால் அது ஒரு கடுமையான போட்டியாக இருக்கும் என்று எதிர்பார்க்கப்படுகிறது. ஏனெனில் ஏற்கனவே துணிவும் வாரிசு திரைப்படமும் சேர்ந்து வெளியான பொழுது அது தமிழ் சினிமாவிலேயே பெரும் போட்டியை ஏற்படுத்தியது.
இப்படி இவர்கள் இருவரும் போட்டுக் போட்டி போட்டுக் கொள்ளும் நாளில் வேறு எந்த திரைப்படமும் வெளியிட முடியாது என்பதும் முக்கியமான விஷயமாகும். ஆனால் இரண்டு திரைப்படத்திலுமே டபுள் ஆக்டிங் என்னும் பொழுது அது போட்டியை இன்னும் வீரியமாக்கும் என்று எதிர்பார்க்கப்படுகிறது.
