கோலிவுட் டாப் நட்சத்திரங்களில் மிக முக்கியமானவர் நடிகர் விஜய். விஜய் நடிக்கும் படங்கள் என்றாலே அதிகப்பட்சம் ஹிட் அடிப்பதற்கான வாய்ப்புகளே அதிகம். தற்சமயம் வெளியான வாரிசு திரைப்படம் வரை நிறைய ஹிட் படங்களை விஜய் கொடுத்துள்ளார்.
பல படங்களில் நடித்தபோதும் படப்பிடிப்பு தளத்தில் நடிப்பு சார்ந்த விஷயங்களை மிகவும் நிதானமாக கையாளக்கூடியவர் விஜய் என்று திரைத்துறையில் பலரும் அவரை பாராட்டியதுண்டு. பல படங்களின் படப்பிடிப்பில் அந்த நிதானத்தை கடைப்பிடிப்பதாலேயே விஜய்யை பலருக்கும் பிடிப்பதுண்டு.
இதே போல விஜய் படத்தின் படப்பிடிப்பு தளத்தில் நடந்த நிகழ்வு ஒன்றை கதாநாயகனும், ஒளிப்பதிவாளருமான நடராஜன் ஒரு பேட்டியில் பகிர்ந்துள்ளார். அப்போது விஜய் நடித்து கொண்டிருந்த திரைப்படம் ஒன்றில் ஒளிப்பதிவாளராக பணிப்புரிந்து கொண்டிருந்தார் நடராஜன்.
காலையில் இருந்து எடுக்கப்பட்ட ஷூட்டிங் மதிய நேரத்தை நெருங்கும்போதுதான் இயக்குனர் ஒரு விஷயத்தை கவனித்தார். ஷூட்டிங்கில் நடிக்கும் பெண்ணிற்கு நீல நிற புடவைக்கு பதிலாக மஞ்சள் நிற புடவையை கொடுத்துவிட்டனர்.
எனவே இப்போது அனைத்து காட்சிகளையும் மறுபடியும் முதலில் இருந்து எடுக்க வேண்டும். இந்த விஷயத்தை விஜய்யிடம் எப்படி கூறுவது என பயந்த இயக்குனர், நடராஜனிடம் உதவி கேட்டார். நடராஜனும் விஜய்யிடம் சென்று “சார் கேமிரா பழுதாகிவிட்டது. எடுத்த காட்சிகள் சரியாக வரவில்லை. மறுபடி எடுக்கணும்” என கூறியுள்ளார்.
விஜய்யும் சரி என சம்மதிக்க படப்பிடிப்பு நடந்தது. படப்பிடிப்பு முடிந்ததும் நடராஜனை தனியாக அழைத்த விஜய், ”பொய் சொன்னாலும் பொருந்த சொல்லணும் நடராஜ். அந்த பெண் புடவையை மாற்றி நடிப்பதை கூடவா நான் கவனிக்காமல் இருப்பேன். இனி இது போல செய்யாதீர்கள்” என கூறிவிட்டு சென்றுள்ளார்.
