தற்சமயம் நடிகர் அஜித் நடித்து ஹெச்.வினோத் இயக்கத்தில் வெளியான திரைப்படம் துணிவு. துணிவு படம் நல்ல வரவேற்பை பெற்றதுடன் நல்ல வசூல் சாதனையையும் செய்துள்ளது.
இந்த நிலையில் அடுத்ததாக விக்னேஷ் சிவன் இயக்கத்தில் ஏ.கே 62 திரைப்படம் இயக்குவதற்கான வேலைகள் சென்றுக்கொண்டிருந்தன. இந்த படத்திற்கு அனிரூத் இசையமைக்க இருந்தார். லைக்கா நிறுவனம் இந்த திரைப்படத்தை தயாரிக்க இருந்தனர்.
மேலும் இந்த படத்தில் அரவிந்த் சாமி, சந்தானம் ஆகியோர் முக்கிய கதாபாத்திரத்தில் நடிப்பதாக தகவல்கள் வந்தன. இந்த நிலையில் திடீர் என்ன விக்னேஷ் சிவன் இந்த படத்தில் இருந்து விலகியுள்ளார்.
லைக்கா நிறுவனத்திற்கு படத்தின் கதை பிடிக்காததே இதற்கு காரணம் என கூறப்படுகிறது. இந்த நிலையில் விக்னேஷ் சிவனுக்கு பதிலாக இயக்குனர் மகிழ்திருமேனி அஜித்தை வைத்து திரைப்படம் இயக்க இருப்பதாக கூறப்படுகிறது.
இவர் ஏற்கனவே இயக்கிய தடம், மீகாமன், கலகத்தலைவன் ஆகிய திரைப்படங்கள் மக்கள் மத்தியில் நல்ல வரவேற்பை பெற்ற திரைப்படங்களாகும். எனவே அஜித்தை வைத்து அவர் இயக்கும் இந்த படமும் வரவேற்பை பெறும் என எதிர்பார்க்கப்படுகிறது.
