லியோ திரைப்படம் எல்.சி.யுவில் வருது!.. லியோ திரைப்பட விமர்சனம்…

லோகேஷ் கனகராஜ் விஜய் கூட்டணியில் உருவாகி வரும் லியோ திரைப்படம் மக்கள் மத்தியில் அதிக வரவேற்பை ஏற்படுத்தி வருகிறது. பொதுவாகவே விஜய் ரசிகர்களுக்கு அவரது திரைப்படம் அதிக எதிர்பார்ப்பை ஏற்படுத்தும் என்பது பலருக்கும் தெரிந்த விஷயமே.

ஆனால் லியோ திரைப்படம் லோகேஷ் கனகராஜ் இயக்கத்தில் உருவாகி வருவதால் இந்த படம் மேலும் அதிக வரவேற்பை ஏற்படுத்தி வருகிறது.

ஹிஸ்டரி ஆஃப் வயலன்ஸ் திரைப்படத்தை தழுவி தான் லியோ திரைப்படம் உருவாகிறது என்று ஒரு பேச்சு மக்கள் மத்தியிலும் சினிமா வட்டாரத்திலும் இருந்தது.

அதனைத் தொடர்ந்து தற்சமயம் இதன் முதல் காட்சியை பார்த்தவர்கள் கிட்டத்தட்ட ஹிஸ்டரி ஆஃப் வயலன்ஸ் திரைப்படத்தை தழுவிதான் லியோ திரைப்படம் எடுக்கப்பட்டுள்ளது என்பதை உறுதி செய்துள்ளனர் ஹிஸ்டரி ஆஃப் வையலன்ஸ் திரைப்படத்தை பொருத்தவரை ஏற்கனவே கேங்ஸ்டர் ஆக இருந்த கதாநாயகன் பிறகு திருந்தி குடும்ப வாழ்க்கையில் ஈடுபடும் பொழுது மீண்டும் அவனுக்கு வரும் பிரச்சனையை அவன் சந்திப்பது போல திரைக்கதை அமைந்திருக்கும்.

ஆனால் லியோ படத்தில் அதிலிருந்து சற்று மாறுதலாக திரைப்படத்தின் கதை எடுக்கப்பட்டுள்ளதாக கூறப்படுகிறது. படத்தில் ஆக்ஷன் காட்சிகள் மட்டுமில்லாமல் குடும்ப காட்சிகளும் இடம்பெறுகின்றன. ஏனெனில் தளபதியின் ரசிகர்கள் மட்டுமின்றி குடும்ப நபர்களும் படத்தை பார்க்க வருவார்கள். எனவே இருவரையும் பூர்த்தி செய்யும் வகையில் திரைப்படம் அமைந்துள்ளது.

திரைப்படத்தில் இரண்டு விஜய் இருக்கிறார்களா அல்லது மொத்தமே ஒரு விஜய் தான் இரு கதாபாத்திரத்தில் இருக்கிறாரா என்பது படத்தின் மிகப்பெரிய சஸ்பென்ஸ் ஆகும். இது இல்லாமல் இந்த திரைப்படம் லோகேஷ் கனகராஜ் யுனிவர்சில் சேருகிறதா என்ற கேள்வி வெகு நாட்களாக மக்கள் மத்தியில் இருந்து வந்தது.

லோகேஷ் கனகராஜ் இதற்கு பெரிய சர்ப்ரைஸ் வைத்திருந்தார் இந்த நிலையில் இந்த திரைப்படம் லோகேஷ் கனகராஜ் யுனிவர்சில் வருகிறது என்பது படத்தின் முதல் காட்சியிலேயே தெரிகிறது. எனவே விக்ரம் திரைப்படத்தின் அடுத்த பாகத்திற்கு எதிர்பார்ப்பு இன்னும் அதிகரித்துள்ளது என்று கூறலாம் இறுதியாக லியோ திரைப்படம் விஜய் ரசிகர்களின் எதிர்பார்ப்பை பூர்த்தி செய்துள்ளது என்று கூறவேண்டும்.