இயக்குனராக இதுவரை கலக்கி வந்த லோகேஷ் கனகராஜ் அடுத்ததாக திரைப்படங்களை தயாரித்து வருகிறார். தொடர்ந்து அவரது உதவி இயக்குனர்களுக்கு அவர் நிறைய உதவி செய்து வருகிறார். அவர் எழுதிய நிறைய கதைகளை தற்சமயம் உதவி இயக்குனர்களுக்கு கொடுத்துள்ளார் லோகேஷ் கனகராஜ்.
அதனை தொடர்ந்து இப்போது யூ ட்யூப்பர்களை வளர்த்துவிடும் வேலையில் இறங்கியிருக்கிறார் லோகேஷ் கனகராஜ். அந்த வகையில் ஃபைனலி என்கிற யூ ட்யூப் சேனலுக்கு உதவ முன் வந்துள்ளார் லோகி.
புது படம்:
யூ ட்யூப்பில் வெகு காலங்களாகவே பைனலி சேனல் இருந்து வருகிறது. அதில் வரும் பரத் என்கிற கதாபாத்திரம் வெகு பிரபலமானதாகும். மிகவும் இன்னசெண்டான அந்த கதாபாத்திரம் செய்யும் கூத்துக்கள் ரசிக்கும் படியாக இருக்கும்.
இந்த நிலையில் அந்த கதாபாத்திரத்தை கதாநாயகனாக வைத்து மிஸ்டர் பாரத் என்கிற படத்தை உருவாக்க இருக்கின்றனர். இந்த திரைப்படத்தை லோகேஷ் கனகராஜ் தயாரிக்கிறார். இதன் அதிகாரபூர்வ அறிவிப்பு தற்சமயம் வெளியாகியுள்ளது.
ஏற்கனவே இப்படிதான் சிவகார்த்திகேயன் யூ ட்யூபர்களுக்கு படம் தயாரித்து அது நஷ்டத்தில் முடிந்தது. இந்த படமும் அப்படி லோகிக்கு ஆகிவிட கூடாது என்பதே ரசிகர்களின் கவலையாக உள்ளது.
