MGR and Jai Shankar: தமிழில் மக்கள் திலகம், புரட்சி தலைவர் என்றெல்லாம் மக்களால் அழைக்கப்படுபவர் எம்.ஜி.ஆர். அப்போது எம்.ஜி.ஆர் நடிக்கும் திரைப்படங்களுக்கு வெகுவாக வரவேற்பு இருந்து வந்தது. முக்கியமாக அவர் மக்களின் கஷ்டங்களை போக்கும் நாயகனாகவே எப்போதும் திரையில் தோன்றினார்.
இதுவே அவர் அரசியலுக்கு செல்லவும் காரணமாக அமைந்தது. இந்த நிலையில் சினிமாவிலும் எம்.ஜி.ஆருக்கு நல்ல மரியாதை இருந்தது. இந்நிலையில் இளம் நடிகராக தமிழ் சினிமாவிற்கு அறிமுகமானார் ஜெய்சங்கர்.
ஜெய்சங்கர் மிகவும் இளம் வயது நாயகனாக இருந்ததால் பெண்கள் மத்தியில் பிரபலமான நாயகனாக இருந்தார். சினிமாவில் உள்ள நடிகைகளே கூட அவருடன் நெருக்கமாக பழக ஆசைப்பட்டனர். இந்த நிலையில் அப்போது பிரபலமாக இருந்த நடிகை விஜயலெட்சுமி ஜெய்சங்கருடன் நட்பில் இருந்தார்.
ஆனால் பத்திரிக்கைகள் அவர்களை குறித்து தவறாக எழுதி வந்தன. இதனால் ஜெய்சங்கர் வீட்டில் உள்ளவர்களுக்கு கவலை உண்டானது. இந்த விஷயத்தை அறிந்த எம்.ஜி.ஆர், நீ விஜயலெட்சுமியை காதலிக்கிறாயா? என கேட்டுள்ளார். அதற்கு ஜெய்சங்கர் இல்லை நாங்கள் நட்பாகதான் பழகி வருகிறோம் என கூறியுள்ளார்.
அதற்கு பதிலளித்த எம்.ஜி.ஆர் காதலித்தாலும் தவறு இல்லை, ஆனால் விஜயலெட்சுமியை திருமணம் செய்துக்கொள் அல்லது வீட்டில் பார்க்கும் பெண்ணை திருமணம் செய்துக்கொள். ஏனெனில் இந்த சர்ச்சைக்கு முற்று புள்ளி வைக்காவிட்டால் அது உன் வாழ்க்கையை மோசமாக்கிவிடும் என்று கூறியுள்ளார்.
அதனை கேட்ட ஜெய்சங்கர் பிறகு வீட்டில் கூறிய பெண்ணை திருமணம் செய்துள்ளார்.
