கமலை வச்சி படம் எடுக்குறது கஷ்டம்!.. படத்துல வர்ற பேனாகூட அவர் இஷ்டத்துக்குதான் இருக்கும்!.. ஓப்பன் டாக் கொடுத்த ஷங்கர்!.

கமல்ஹாசனை வைத்து வெற்றி படங்கள் கொடுத்த இயக்குனர்கள் அனைவரும் இப்போது திரும்ப கமல்ஹாசனை வைத்து திரைப்படங்கள் எடுப்பதற்கான வேலையில் ஈடுபட்டுள்ளனர்.

ஏற்கனவே மணிரத்தினம் கமல்ஹாசனை வைத்து நாயகன் என்கிற வெற்றி படத்தை எடுத்தார். அந்த படம் வசூல் அளவில் பெரிதாக வெற்றி பெறவில்லை என்றாலும் மக்கள் மத்தியில் அதிகமாக பேசப்பட்ட திரைப்படமாக இருந்தது.

அதற்கு பிறகு கமல்ஹாசனை வைத்து ஒரு திரைப்படம் கூட மணிரத்தினம் இயக்கவில்லை. இந்த நிலையில் தற்சமயம் மணிரத்தினம் கமலை வைத்து அடுத்த படத்தை இயக்க இருக்கிறார். அதேபோல இயக்குனர் ஷங்கரும் கமல் நடிப்பில் இந்தியன் என்கிற பெரும் வெற்றி படத்தை கொடுத்தார்.

ஆனால் அதற்குப் பிறகு கமலை வைத்து அவர் எந்த படமும் பண்ணவில்லை இந்த நிலையில் தற்சமயம் இந்தியன் படத்தின் இரண்டாம் பாகத்தை எடுத்து முடித்துள்ளார் ஷங்கர். இந்த படம் இன்னும் ஒரு பாகமும் சேர்த்து மூன்று பாகங்களாக வரும் என்று எதிர்பார்க்கப்படுகிறது.

இந்த நிலையில் கமல் குறித்து ஒரு பேட்டியில் பேசிய ஷங்கர் கூறும் பொழுது, கமல் ஒவ்வொரு படப்பிடிப்பு காட்சிகளிளும் மிக நுணுக்கமான விஷயங்களை கூட ஆராய்ந்து பார்ப்பார். அதில் அவருக்கு திருப்தி ஏற்படவில்லை என்றால் அந்த விஷயத்தை மாற்றி அமைத்து விடுவார்,

 உதாரணத்திற்கு இந்தியன் திரைப்படத்தில் சேனாபதி கதாபாத்திரத்திற்கு பாக்கெட்டில் ஒரு பேனாவை வைத்திருந்தோம். அப்பொழுது படப்பிடிப்பிற்கு வந்த கமல்ஹாசன் ஒரு மூன்று நான்கு வகை பேனாக்களை எடுத்து வந்தார் இவையெல்லாம் விடுதலை இந்தியா காலகட்டங்களில் பயன்படுத்தப்பட்ட பேனாக்கள் இவற்றில் ஒன்றைதான் அதில் வைக்க வேண்டும் என்று கூறியவர் அந்த பேனாவை எடுத்துவிட்டு தான் கொண்டு வந்த பேனாவிலிருந்து ஒன்றை வைத்து பயன்படுத்தினார்.

முக்கியமாக அந்த பேனாக்கள் எழுதும் நிலையில் இருந்தன. அந்த அளவிற்கு அனைத்து விஷயங்களையும் நுட்பமாக பார்க்கக் கூடியவர் கமல்ஹாசன் என்று பேட்டியில் கூறி இருக்கிறார் ஷங்கர்!.