ரஜினிகாந்த் நடித்து மாஸ் ஹிட் கொடுத்த திரைப்படங்களில் சிவாஜி திரைப்படமும் முக்கியமான திரைப்படமாகும். சிவாஜி திரைப்படம் இயக்குனர் ஷங்கர் இயக்கத்தில் மாபெரும் பொருட் செலவில் உருவான திரைப்படம்.
வெளியான ஒரு வாரத்தில் எல்லாம் படத்திற்கு அதிகமான கூட்டம் வந்தது. அந்த படத்தில் ரஜினி கதாபாத்திரமான சிவாஜிக்கு வில்லனாக ஆதிசேஷன் என்கிற் கதாபாத்திரம் வரும். இந்த கதாபாத்திரத்தில் நடிகர் சுமன் நடித்திருந்தார்.
ஆனால் முதலில் இந்த கதாபாத்திரத்தில் சுமனை நடிக்க வைக்க திட்டமே இல்லையாம். இந்த கதாபாத்திரத்தை எழுதும்போதே இதற்கு தகுந்த ஆள் சத்யராஜ்தான் என முடிவு செய்துள்ளார் ஷங்கர். ஏனெனில் ஏற்கனவே பல படங்களில் வில்லனாக சிறப்பாக நடித்தவர் சத்யராஜ். மேலும் பல வருடங்களாக அவர் வில்லனாக எந்த படத்திலும் நடிக்கவில்லை.
எனவே இந்த படத்தில் சத்யராஜை வில்லனாக நடிக்க வைத்தால் அது இன்னும் அதிக வரவேற்பை ஏற்படுத்தும் என்பது இயக்குனர் சங்கரின் எண்ணம். எனவே இதுக்குறித்து நடிகர் சத்யராஜூடம் பேச்சு வார்த்தை நடத்தியுள்ளனர்.
ஆனால் இந்த செய்தியை கேட்டதும் சத்யராஜ்க்கு மிகவும் கோபம் வந்துவிட்டது. ஏனெனில் சத்யராஜ்க்கு வில்லனாக நடிப்பதில் அவ்வளவாக ஈடுபாடு கிடையாது. அதற்கு பதிலாக ரஜினிக்கு உதவிகள் செய்யும் நண்பன் கதாபாத்திரமான விவேக்கின் கதாபாத்திரத்தை சத்யராஜ் கேட்டுள்ளார். ஆனால் அதற்கு சங்கர் ஒப்புக்கொள்ளாத காரணத்தால் சத்யராஜ் அந்த படத்தில் நடிக்கவில்லை.
ஆனால் அந்த இரண்டில் எந்த கதாபாத்திரத்தில் நடித்திருந்தாலும் அது சத்யராஜ்க்கு சிறப்பாகவே இருந்திருக்கும்.
