தமிழில் ஜெயம் ரவி நடிப்பில் ‘கோமாளி’ படத்தை இயக்கி அறிமுகமானவர் ப்ரதீப் ரங்கநாதன். அதை தொடர்ந்து அவரே இயக்கி, நடித்து தற்போது வெளியாகியுள்ள படம் ‘லவ் டுடே’. இந்த படம் வெற்றிகரமாக ஓடி வருவதுடன் நல்ல விமர்சனங்களையும் பெற்றுள்ளது.

இந்நிலையில் ப்ரதீப் ரங்கநாதனின் பழைய பேஸ்புக் பதிவுகளை எல்லாம் தோண்டி எடுத்து ட்ரெண்ட் செய்துள்ளார்கள் நெட்டிசன்கள். திரைத்துறைக்குள் நுழையாத காலத்தில் அவர் பதிவிட்ட அமெச்சூர் பதிவுகளை தொடர்ந்து பலரும் பரப்பி வந்ததோடு மேலும் சிலர் இன்னும் கொஞ்சம் முன்னே சென்று அவர் பதிவிட்டது போன்ற எடிட் செய்யப்பட்ட பதிவுகளையும் பரப்பியுள்ளனர். இதனால் பேஸ்புக் பக்கத்தையே டீ ஆக்டிவேட் செய்துள்ளார் ப்ரதீப்.

மேலும் இதுகுறித்து ட்விட்டரில் பதிவிட்டுள்ள அவர் “பரவி வரும் பல பதிவுகள் போட்டோஷாப் செய்யப்பட்டன.ஒரு வார்த்தையை மாற்றினால் கூட பல விஷயங்கள் மாறும் என்பதால் முகநூல் கணக்கு செயலிழக்கப்பட்டுள்ளது. விஷயங்களை மாற்ற முயற்சிப்பவர்கள் மீது எனக்கு கோபம் இல்லை, மாறாக மக்கள் என்னை எவ்வளவு ஆதரிக்கிறார்கள் என்பதைக் காட்டியதற்கு அவர்களுக்கு நன்றி.

மேலும் சில பதிவுகள் உண்மையானவை. ஆனால் கசப்பான வார்த்தைகள் கொண்ட பதிவுகள் போலியானவை. நான் தவறு செய்துவிட்டேன், வயதுக்கு ஏற்ப நாம் அனைவரும் வளர்ந்து கற்றுக்கொள்கிறோம், அதை சரிசெய்ய முயற்சித்தேன். நான் இன்னும் ஒவ்வொரு நாளும் ஒரு சிறந்த மனிதனாக மாற முயற்சிக்கிறேன்” என்று கூறியுள்ளார்.

தமிழில் தற்போது வெளியாகி பெரும் ஹிட் அடித்துள்ள படம் ‘லவ் டுடே’. இந்த படத்தை எழுதி, இயக்கி, நடித்தும் உள்ளார் ப்ரதீப் ரங்கநாதன். ஜெயம் ரவியை வைத்து ‘கோமாளி’ படத்தை இயக்கிய இவர் தற்போது ஹீரோவாகவும் பெரும் ஹிட் கொடுத்து பிரபலமாகியுள்ளார்.

இந்த பிரபலமே இப்போது ப்ரதீப்புக்கு ப்ராப்ளமாகவும் மாறியுள்ளது. முன்னர் திரை வாய்ப்பு தேடி வந்த சமயத்தில் தனது பேஸ்புக் அக்கவுண்டில் சினிமாவையும், சினிமாக்காரர்களையும் ப்ரதீப் இழுக்காதே வம்பே இல்லை.

அவ்வளவு கிண்டல், கலாய் செய்த மனுஷனின் பழைய பதிவுகளை தோண்டி எடுத்து பலர் வைரலாக்கிவிட்டு பெரும் வேலையை பார்த்துள்ளனர்.

அந்த பழைய பதிவு ஒன்றில் யுவன் சங்கர் ராஜாவின் இசை பற்றி கூட ப்ரதீப் ஏதோ கிண்டல் செய்துள்ளார். ஆனால் அவரது லவ் டுடே படத்திற்கே யுவன் தான் இசையமைத்திருக்கிறார். இப்படியாக பழைய போஸ்ட்டுகளை பலரும் தோண்டு எடுப்பதால் டென்சனாகி தனது அக்கவுண்டையே டீ ஆக்டிவேட் செய்து விட்டாராம் ப்ரதீப்.

இயக்குனர் பிரதீப் ரங்கநாதன் இயக்கி நடித்து வெளியான திரைப்படம் லவ் டுடே. காதலர்கள் இருவரும் தங்களது மொபைல் போனை மாற்றி கொள்வதால் ஏற்படும் சண்டையை கருவாக கொண்டு இந்த படம் எடுக்கப்பட்டுள்ளது.

இப்போதைய காலத்திற்கு ஏற்றாற் போல பெஸ்டி பிரச்சனைகள், சோஷியல் மீடியா பிரச்சனைகள் போன்ற பல விஷயங்களை படத்தில் பேசியிருப்பதால் இளைஞர்கள் மற்றும் பெண்களுக்கு பிடித்த படமாக இந்த படம் அமைந்துவிட்டது.

பிரதீப் ரங்கநாதன் முதலில் இயக்கிய படம் ஜெயம் ரவி நடித்த கோமாளி படமாகும். ஆனால் அந்த படத்தை விடவும் லவ் டுடே அதிக வசூல் சாதனை செய்துள்ளது. இந்த படத்தை தயாரிக்க ஆன மொத்த செலவே 5 கோடி ரூபாய்தானாம்.

 இந்த நிலையில் இதுவரை 50 கோடிக்கு ஓடியுள்ளது லவ் டுடே. அதாவது படத்தின் தயாரிப்புக்கு ஆன செலவை விட 10 மடங்கு அதிக லாபத்தை ஈட்டி தந்துள்ளது லவ் டுடே. அஜித்,விஜய் மாதிரியான பெரிய நடிகர்கள் நடிக்கும் படங்கள் கூட இந்த அளவிற்கு பத்து மடங்கு லாபத்தை பெற்று தந்தது இல்லை என கூறப்படுகிறது.

மேலும் முதல் படத்திலேயே எந்த கதாநாயகனும் இப்படி ஒரு வசூல் சாதனை படைக்கவில்லை என கூறப்படுகிறது. இதனால் பிரதீப் ரங்கநாதன் மார்க்கெட் உயர்ந்துள்ளதாக கூறப்படுகிறது.

திரையரங்குகளில் வெளியான நாள் முதல் இன்று வரை எதிர்பார்க்காத அளவில் மகத்தான வெற்றி அடைந்த திரைப்படம் லவ் டுடே.

இந்த படத்தை இயக்குனர் பிரதீப் ரங்கநாதன் இயக்கியிருந்தார். ஏற்கனவே இவர் நடிகர் ஜெயம் ரவியை வைத்து கோமாளி என்கிற படத்தை இயக்கியிருந்தார். லவ் டுடே இவருக்கு இரண்டாவது படமாகும். 

இந்த படம் அவர் ஏற்கனவே எடுத்த குறும்படத்தின் கதையாகும். படத்தை குறைந்த பட்ஜெட்டில் எடுக்க வேண்டும் என அவரே அந்த படத்தில் கதாநாயகனாக நடித்தார். யுவன் சங்கர் ராஜா இந்த படத்திற்கு இசையமைத்தார். இரண்டு பாடல்களையும் யுவன் பாடியுள்ளார்.

கல்பாத்தி நிறுவனம் இந்த படத்தை தயாரித்தது. இந்நிலையில் படத்தின் மொத்த பட்ஜெட் எவ்வளவு? என பார்க்கும்போது வெறும் 5 கோடியில் மொத்த படத்தையும் எடுத்துள்ளனர் என கூறப்படுகிறது. தற்சமயம் தமிழ் சினிமாவில் கதாநாயகர்களாக நடிப்பவர்களே இதை விட அதிகமாக வாங்கும்போது பிரதீப் இவ்வளவு குறைவான செலவில் ஒரு வெற்றி படத்தை எடுத்திருப்பது ஆச்சரியமாக இருக்கிறது என பலரும் வியக்கின்றனர்.

படம் வெளியான முதல் நாளே இந்த படம் 2.5 கோடி வசூல் செய்தது. இந்த நிலையில் படம் செய்யும் அதிக வசூல் கல்பாத்தி நிறுவனத்திற்கு மகிழ்வை ஏற்படுத்தியுள்ளது.

இதனால் பிரதீப் தொடர்ந்து பட வாய்ப்புகளை பெற்று வருகிறார். அடுத்தடுத்த படங்களிலும் கூட அவரே கதாநாயகனாக நடிக்க உள்ளதாக கூறப்படுகிறது.

சமீபத்தில் திரைக்கு வந்து மாபெரும் ஹிட் கொடுத்துக்கொண்டிருக்கும் திரைப்படம் லவ் டுடே. எதிர்பார்த்ததை விடவும் அதிக ஹிட் கொடுத்ததால் படத்தின் கதாநாயகனும், இயக்குனருமான பிரதீப் ரங்கநாதனுக்கு ரசிகர்கள் அதிகரித்து வருகின்றனர்.

இந்த படத்தை உதயநிதியின் ரெட் ஜெயண்ட் மூவிஸ் நிறுவனம் வெளியிட்டுள்ளது. இந்நிலையில் இந்த படத்திற்கு தனது தாயை அழைத்துக்கொண்டு சென்றுள்ளார் உதயநிதி.

இந்த திரைப்படம் இந்த கால ட்ரெண்டில் உள்ள ரசிகர்களுக்கு பிடிக்கும், ஆனால் பழைய ஆட்களுக்கு பிடிக்காது என ஒரு பேச்சு இருந்தது. ஆனால் உதயநிதியின் அம்மாவிற்கு இந்த படம் மிகவும் பிடித்துவிட்டதாம்.

திரையரங்கை விட்டு வெளியே வந்தவர் உதயநிதியிடம் “படம் நன்றாக இருக்கிறது. நீதான் வாங்கி வெளியிட்டாயா?” எனக்கேட்டுள்ளார்.

பிறகு படத்தில் வருவது போலவே உங்கள் அப்பா போனையும், உன் போனையும் என்கிட்ட குடு. நாமளும் போனை மாத்திக்குவோம் என கூறியுள்ளார் உதயநிதியின் அம்மா.

அதெல்லாம் வேண்டாம் அம்மா என பதறியுள்ளார் உதயநிதி. இந்த விஷயத்தை ஒரு பேட்டியில் பகிர்ந்துள்ளார் உதயநிதி.