Captain Vijayakanth : தமிழக அரசியலும் சரி, நடிப்பு துறையிலும் சரி எம்.ஜி.ஆருக்கு பிறகு பெரிதாக கால் பதித்தவர் நடிகர் விஜயகாந்த். விஜயகாந்த் சினிமாவிற்கு நடிகராக அறிமுகம் ஆனப்போதே அவருக்கு மக்கள் மத்தியில் நல்ல வரவேற்பு இருந்தது.
அதனை தொடர்ந்து எக்கச்சக்கமான திரைப்படங்களில் நடித்தார் விஜயகாந்த். அதற்கு பிறகு விஜயகாந்த் நடிகர் சங்க தலைவரானார். சங்க தலைவரான பிறகு அவருடைய தலைமையில் சிறப்பாக முன்னேறியது நடிகர் சங்கம். அதற்கு பிறகு அரசியலுக்கு செல்ல வேண்டும் என நினைத்தார் விஜயகாந்த்.
இந்த நிலையில் விஜயகாந்த் அரசியலுக்கு வந்தப்போது ஒரு மீட்டிங்கில் பேசும்போது அவரிடம் ஒரு மாணவி நேரடியாக ஒரு கேள்வியை கேட்டார். அதாவது அரசியலுக்கு நீங்கள் வந்ததே அதன் மூலம் பிரபலமடைவதற்காகதானா என்று கேட்டார் அந்த மாணவி.
அதற்கு நிதானமாக பதிலளித்த கேப்டன், சினிமாவிலேயே நான் மிகவும் பிரபலமானவன். இனி அரசியலுக்கு வந்துதான் நான் பிரபலமாக வேண்டுமா?. மேலும் சினிமாவில் இருந்தப்போது என்னை அனைவரும் புகழ்ந்தார்கள் எனக்கு நிறைய நல்ல பெயர்கள் இருந்தன.
ஆனால் அரசியலுக்கு வந்தப்பிறகு என்னை பலரும் விமர்சனம் செய்து வருகின்றனர். அரசியலுக்கு வந்தது எனது புகழுக்கு பாதிப்பைதான் ஏற்படுத்தியுள்ளது. மக்களுக்கு நன்மைகள் செய்யவே நான் அரசியலுக்கு வருகிறேன். அதை நீங்கள் இப்போதே செய்யலாமே என நீங்கள் கேட்கலாம்.
அது உண்மைதான் இப்போது நான் நினைத்தால் என் சக்திக்கு ஒரு பத்து பேரை படிக்க வைக்க முடியும். ஆனால் தமிழ்நாட்டில் படிப்பில்லாமல் இருக்கும் அனைவரையும் என்னால் படிக்க வைகக் முடியாது. அதற்கு எனக்கு அதிகாரம் தேவை.
எனவேதான் நான் அரசியலுக்கு வர நினைக்கிறேன் என ஒரு சிறப்பான பதிலை அளித்துள்ளார் கேப்டன்.
