Ajith and Vetrimaaran : பொதுவாக தமிழ் சினிமாவில் புது முயற்சிகளை எடுத்து படமெடுக்கும் இயக்குனர்கள் வெகு அரிதாகவே பெரிய ஹீரோக்களை வைத்து படமெடுப்பார்கள். வெற்றிமாறன், மிஸ்கின் போன்ற இயக்குனர்கள் எல்லாம் அந்த வகையை சேர்ந்தவர்கள்தான்.
இயக்குனர்களுக்கு என்று தனியாக ரசிகப்பட்டாளம் இருக்கும் அளவு வரவேற்பை பெற்றவர் இயக்குனர் வெற்றிமாறன். வெற்றிமாறன் இயக்கத்தில் உருவாகி வரும் திரைப்படங்களுக்கு அதிக வரவேற்புகள் உருவாகி வருகின்றன.
ஆனால் வெற்றிமாறன் இன்னமும் விஜய் அஜித் மாதிரியான பெரிய ஹீரோக்களை வைத்து எந்த ஒரு திரைப்படமும் இயக்கவில்லை. இந்த நிலையில் அடுத்து அவர் இயக்கவிருந்த திரைப்படம் வாடிவாசல். சி.சு செல்லப்பா எனும் எழுத்தாளர் எழுதிய வாடிவாசல் என்னும் நாவலை தழுவி இந்த படம் எடுக்கப்பட இருக்கிறது.
முழுக்க முழுக்க ஜல்லிக்கட்டை அடிப்படையாக கொண்ட இந்த படத்தில் சூர்யா கதாநாயகனாக நடிக்கவிருந்தார். ஆனால் அமீர் பருத்திவீரன் திரைப்பட பிரச்சனையில் சூர்யாவிற்கும் பங்கிருப்பதாக பேச்சுக்கள் இருக்கின்றன. எனவே அமீரின் நண்பர் என்பதால் வெற்றிமாறன் சூர்யாவை படத்தில் இருந்து நீக்க முடிவு செய்திருப்பதாக பேச்சுக்கள் இருக்கின்றன.
இதற்கு நடுவே படத்தின் கதையை கேட்ட நடிகர் அஜித்குமார் அந்த படத்தில் நடிக்க விருப்பம் தெரிவித்திருப்பதாக பேச்சுக்கள் இருக்கின்றன. ஏற்கனவே விஸ்வாசம் திரைப்படத்திலேயே அஜித்திற்கு கிராமத்து ஆள் போனற வேஷம் பக்காவாக பொருந்தியிருந்தது. இந்த நிலையில் அவர் இந்த படத்தில் நடிக்கும் பட்சத்தில் அஜித்துக்குமே இந்த படம் முக்கியமான படமாக இருக்கும் என எதிர்பார்க்கப்படுகிறது.
