பாக்கியராஜை பார்த்துதான் ரூட்டை மாத்துனேன்… ஆனா பிறகு நடிக்கிற ஆசையே போயிட்டு!.. ஓப்பன் டாக் கொடுத்த பார்த்திபன்!..

Director Baghyaraj: தமிழில் குடும்ப ஆடியன்ஸ்கள் மத்தியில் அதிக வரவேற்பை பெற்ற இயக்குனர்களில் முக்கியமானவர் பாக்கியராஜ். ஆரம்பத்தில் நடிப்பின் மீதுதான் பாக்கியராஜ்க்கு அதிக ஆர்வம் இருந்தது. ஆனால் சென்னைக்கு வந்த பிறகு நடிகராவது அவ்வளவு எளிதான விஷயமல்ல என்பதை புரிந்துக்கொண்டார் பாக்கியராஜ்.

இதனை தொடர்ந்து 16 வயதினிலே திரைப்படத்தில் பாரதிராஜாவிடம் உதவி இயக்குனராக சேர்ந்தார் பாக்கியராஜ். சிகப்பு ரோஜாக்கள் திரைப்படத்திற்கு பிறகு பாக்கியராஜ் தனியாக படங்களை இயக்க துவங்கினார். சுவரில்லா சித்திரங்கள் திரைப்படம்தான் பாக்கியராஜ் இயக்கத்தில் வெளியான முதல் திரைப்படமாகும்.

இந்த திரைப்படத்திலேயே அவர் முக்கியமான கதாபாத்திரத்தில் நடித்திருப்பார். அதனை தொடர்ந்து அவர் இயக்கும் திரைப்படங்களில் அவரே கதாநாயகனாக நடிக்க துவங்கினார். இந்த நிலையில் கிராமத்தில் இருந்து சென்னைக்கு வாய்ப்பு தேடி வரும் இளைஞர்களுக்கு பாக்கியராஜின் இந்த ஃபார்முலா பிடித்துப்போனது.

பாக்கியராஜை பின்பற்றிய பார்த்திபன்:

எனவே கதாநாயகனாக நினைக்கும் இளைஞர்கள் பலரும் முதலில் உதவி இயக்குனராக வாய்ப்பு தேட துவங்கினர். அப்படி பாக்கியராஜிடமே வாய்ப்பு தேடி வந்தவர்களில் பார்த்திபனும் ஒருவர். பார்த்திபன் ஒரு சில திரைப்படங்களில் மட்டுமே பாக்கியராஜிடம் உதவி இயக்குனராக பணிப்புரிந்தார்.

ஆனால் அந்த சமயத்திலேயே அவருக்கு நடிப்பு மீது இருந்த ஆர்வம் போய்விட்டதாக ஒரு பேட்டியில் கூறியுள்ளார். அதற்கு பிறகு திரைப்படங்களை இயக்குவதுதான் மிகவும் கடினமான விஷயம் என்பதை பார்த்திபன் புரிந்துக்கொண்டார்.

ஆனாலும் தாவணி கனவுகள் திரைப்படத்தில் அவருக்கு பாக்கியராஜ் நடிக்க வாய்ப்பு கொடுத்ததை அடுத்து பார்த்திபனுக்கு நடிப்பின் மீது மீண்டும் ஆர்வம் வந்துள்ளது. அதனையடுத்து அவர் இயக்கிய முதல் படமான புதிய பாதை திரைப்படத்தில் அவரே கதாநாயகனாக நடித்தார்.