Baghyaraj bharathiraja: 16 வயதினிலே திரைப்படம் மூலமாக தமிழ் சினிமாவில் இயக்குனராக அறிமுகமானவர் இயக்குனர் பாரதிராஜா. முதல் படத்திலேயே நடிகர் கமல்ஹாசனுக்கு கோவனம் கட்டி வித்தியாசமான கதாபாத்திரத்தில் நடிக்க வைத்தார் பாரதிராஜா. இருந்தாலும் அந்த படம் நல்ல வெற்றியை கொடுத்தது.
பாரதிராஜா முதல் படத்தை இயக்கியப்போதே அவரிடம் உதவி இயக்குனராக சேர்ந்துவிட்டார் பாக்கியராஜ். பாரதிராஜாவிற்கு திரைக்கதை வசனம் எல்லாம் அவ்வளவாக எழுத வராது. அதனால் அதையெல்லாம் பாக்கியராஜ்தான் செய்து வந்தார்.
இந்த நிலையில் சில நாட்களுக்கு பிறகு பாக்கியராஜ் தனியாக திரைப்படம் இயக்க துவங்கினார். ஆனாலும் அதற்கு பிறகும் கூட பாரதிராஜா திரைப்படத்தில் உதவி இயக்குனராக பணிப்புரிந்து வந்தார் பாக்கியராஜ். இந்த நிலையில்தான் கன்னி பருவத்திலே என்கிற திரைப்படத்தை பாக்கியராஜின் நண்பரான பி.வி பாலகுரு இயக்கினார்.
எனவே அந்த திரைப்படத்தில் உதவி இயக்குனராக பணிப்புரிந்தார் பாக்கியராஜ். கன்னி பருவத்திலே திரைப்படத்தை அம்மன் கிரியேஷன் நிறுவனம் தயாரித்தது. அந்த நிறுவனத்திடம் படமெடுக்க வாய்ப்பை பெறதான் பாக்கியராஜ் கன்னி பருவத்திலே திரைப்படத்தில் கதாநாயகனாக நடிக்கிறார் என நினைத்த பாரதிராஜா அவரை தனது படத்தில் இருந்து நீக்கினார்.
இதனால் வருத்தமடைந்தார் பாக்கியராஜ். இந்த நிலையில் அதே போலவே அம்மன் க்ரியேஷன் நிறுவனம் பாக்கியராஜை வைத்து திரைப்படம் தயாரிக்க ஆசைப்பட்டது. ஆனால் அவர்கள் படத்தில் நடித்தால் பாரதிராஜா சொன்னது உண்மையாகிவிடும் என அந்த படத்தில் நடிக்க மறுத்துவிட்டார் பாக்கியராஜ்.
அதன் பிறகு இதுக்குறித்து பாரதிராஜாவிடமே பேசியது அம்மன் க்ரியேஷன் நிறுவனம். பிறகு பாரதிராஜா சமாதானப்படுத்திய பிறகுதான் எங்க சின்ன ராசா என்கிற படத்தில் நடித்து கொடுத்தார் பாக்கியராஜ்
