லியோ திரைப்படத்தின் வெற்றியை தொடர்ந்து தற்சமயம் விஜய் நடித்து வரும் திரைப்படம் கோட். இந்த திரைப்படத்தை இயக்குனர் வெங்கட் பிரபு இயக்கி வருகிறார். இந்த திரைப்படம் ஒரு டைம் ட்ராவல் திரைப்படம் என கூறப்படுகிறது. இந்த திரைப்படத்தில் விஜய் இரட்டை வேடத்தில் நடிக்கிறார்.
கிட்டத்தட்ட கோட் திரைப்படத்தின் படப்பிடிப்பு வேலைகள் முடிந்துவிட்டன. ஆனாலும் படத்தின் ஓ.டி.டி உரிமத்தை விற்பதில் சிக்கல் ஏற்பட்டுள்ளதாக கூறப்படுகிறது. முன்பு கொடுத்த அளவிலான விலையை கொடுக்க இப்போது ஓ.டி.டி நிறுவனங்கள் தயாராக இல்லை என கூறப்படுகிறது.
ஏனெனில் முன்பை போல இப்போது பலரும் ஓ.டி.டியை பயன்படுத்துவதில்லை. எனவே அவர்கள் பெரும் தொகையை எல்லாம் கொடுத்து திரைப்படங்களை வாங்க முடியாத நிலையில் உள்ளனர். இந்த நிலையில் லியோ திரைப்படம் 126 கோடிக்கு ஓ.டி.டிக்கு விற்கப்பட்டது. தமிழ் சினிமாவிலேயே அதிக விலைக்கு ஓ.டி.டியில் விற்பனையான திரைப்படம் லியோ திரைப்படம்தான்.
எனவே அதை விட அதிக விலைக்கு அதாவது 160 கோடிக்கு கோட் திரைப்படத்தை ஓ.டி.டிக்கு விற்கலாம் என முடிவு செய்தனராம் ஏ.ஜி.எஸ் நிறுவனத்தினர். ஏனெனில் இந்த படத்திற்கு விஜய்க்கு சம்பளமாகவே 200 கோடி கொடுத்திருக்கின்றனர்.
ஆனால் நெட்ஃப்ளிக்ஸ் நிறுவனம் அதற்கு ஒப்புக்கொள்ளவில்லை என கூறப்படுகிறது 80 கோடி ரூபாய்க்கு வேண்டுமானால் வாங்கி கொள்கிறோம் என அவர்கள் கூறியுள்ளனர். இந்த நிலையில் வெகு நேர பேச்சுவார்த்தைக்கு பிறகு 110 கோடிக்கு விற்பனையாகியுள்ளது கோட் திரைப்படம்.
