எம்.ஜி.ஆர், சிவாஜி கணேசன் சண்டை போலவே தமிழ் சினிமாவில் விஜய் அஜித்திற்கு இடையேயும் போட்டி என்பது இருந்து வந்தது. இப்போதும் இருந்து வருகிறது. போன வருடம் பொங்கல் சமயத்தில் கூட இருவரும் ஒரே சமயத்தில் தங்கள் திரைப்படங்களை வெளியிட்டு போட்டி போட்டுக்கொண்டனர்.
அப்படியாக அட்டகாசம் திரைப்படம் வெளியானப்போது அதில் முழுக்க முழுக்க விஜய்யை விமர்சித்து அஜித் ஒரு பாட்டை இணைத்திருந்தார். உனக்கென்ன என துவங்கும் அந்த பாடலில் பல வரிகள் விஜய்க்கு எதிராக இருந்தன.
ஏற்றி விடவும் தந்தையும் இல்லை ஏந்தி கொள்ள தாய் மடி இல்லை என்னை நானே சிகரத்தில் வைத்தேன் அதனால் உனக்கென்ன என்று வரிகள் இருந்தன. இந்த நிலையில் இதற்கு விஜய் ஏன் பதிலடி கொடுத்து பாடல் வரிகள் வைக்கவில்லை என்று பலரும் யோசித்திருப்பார்கள்.
உண்மையில் இதற்கு பதிலளிக்கும் வகையில் விஜய் பாடல் வரிகளை வைத்திருந்தார். ஆனால் அது அஜித்திற்கே அட்வைஸ் வழங்கும் விதத்தில்தான் இருந்துள்ளது. சச்சின் படத்தில் வரும் வா வா என் தலைவா பாடலில் அந்த வரிகளை பார்க்கலாம்.
உனக்கென்ன உனக்கென்ன பாடலில் ஹிட்லராக வாழ்வது கொடிது புத்தனாக வாழ்வதும் கடிது ஹிட்லர் புத்தன் இருவருமாய் நான் இருந்தால் உனக்கென்ன என்ற வரிகள் வரும்.
அதற்கு பதிலளிக்கும் விதமாக விஜய் வா வா என் தலைவா பாடலில் ஹிட்லர் வாழ்க்கையும் வேண்டாம் புத்தன் வாழ்க்கையும் வேண்டாம். உன்னை என்னை போல் வாழ்ந்தால் போதும் உலகம் ரொம்ப அழகு என பாடியிருப்பார். அந்த பாடலுக்கு பிறகு விஜய்யை எதிர்த்து பாடுவதையே விட்டு விட்டார் அஜித்.
