தற்சமயம் ஹரி இயக்கத்தில் ரத்னம் என்கிற திரைப்படத்தில் நடித்து வருகிறார் விஷால். இந்த படம் வருகிற ஏப்ரல் 26 திரைக்கு வர இருக்கிறது. சமீபத்தில் விஷால் நடித்து வரும் திரைப்படங்கள் அதிக வரவேற்பை பெறும் திரைப்படங்களாக இருந்து வருகின்றன.
அவரது முதல் திரைப்படமான செல்லமே திரைப்படமே அவருக்கு நல்ல வரவேற்பை பெற்று தரும் திரைப்படமாகதான் இருந்தது. அதனை தொடர்ந்து சண்டக்கோழி, தாமிரப்பரணி என அவரது திரைப்படங்களுக்கும் மக்கள் மத்தியில் நல்ல வரவேற்பு இருந்து வந்தது.
சமீபத்தில் அவர் மார்க் ஆண்டனி திரைப்படத்தில் நடித்திருந்தார். டைம் ட்ராவல் கதையை மையமாக கொண்டு வெளிவந்த அந்த திரைப்படம் எதிர்பார்த்ததை விடவும் நல்ல வரவேற்பை பெற்றது. அந்த படத்தின் க்ளைமேக்ஸ் காட்சியில் அணகொண்டா என்கிற ஒரு ஆயுதத்தை எடுத்துக்கொண்டு வருவார் விஷால்.
அந்த காட்சி குறித்து விஷாலிடம் கூறியப்போது அதற்கு விஷால் ஒப்புக்கொள்ளவே இல்லை. ஏற்கனவே அந்த பெயரில்தான் தன்னை கலாய்க்கிறார்கள் என நினைத்தார் விஷால். ஆனால் ஆதிக் ரவிச்சந்திரன் அந்த காட்சியை வைத்தே ஆக வேண்டும் என பிடிவாதமாக இருந்தார்.
இதனால் படத்தில் அந்த காட்சி இடம் பெற்றது. ஆனால் அந்த காட்சிக்குதான் ரசிகர்கள் மத்தியில் அதிக வரவேற்பு ஏற்பட்டு வந்தது. இந்த நிகழ்வை விஷாலே ஒரு பேட்டியில் பகிர்ந்துள்ளார்.
