தமிழில் அதிக வசூல் கொடுத்து வரும் டாப் நடிகர்களில் முக்கியமானவர் நடிகர் அஜித். துணிவு திரைப்படத்தின் வெற்றிக்கு பிறகு அஜித்தின் நடிப்பில் எந்த ஒரு திரைப்படமும் இப்போது வரை வெளிவரவில்லை.
ஏனெனில் அதற்கு பிறகு விடாமுயற்சி திரைப்படத்தில் கமிட்டானார் அஜித். இந்த திரைப்படத்தை இயக்குனர் மகிழ் திருமேனி இயக்கி வந்தார். இந்த திரைப்படத்தின் படபிடிப்பே மிக தாமதமாகதான் துவங்கியது.
ஏனெனில் படப்பிடிப்பது துவங்குவதற்கு முன்பே உலக சுற்றுலா செல்கிறேன் என்று அஜித் கிளம்பிய காரணத்தினால் மிக தாமதமாகத்தான் விடாமுயற்சி படப்பிடிப்பது துவங்கியது. இதற்கு நடுவே லைகா நிறுவனத்திற்கு ஏற்பட்ட நிதி நெருக்கடியின் காரணமாக விடாமுயற்சி திரைப்படத்தின் படப்பிடிப்பை முடிப்பதிலும் சிக்கல் ஏற்பட்டது.
அஜித்தின் அடுத்த படம்:
இதனை தொடர்ந்து அடுத்த படத்தில் நடிப்பதற்கு சென்று விட்டார் அஜித் அடுத்ததாக தற்சமயம் அஜித் நடித்து வரும் திரைப்படம் குட் பேட் அக்லி. இந்த திரைப்படத்தை மார்க் ஆண்டனி திரைப்படத்தை இயக்கிய ஆதிக் ரவிச்சந்திரன் இயக்கி வருகிறார்.
இந்த திரைப்படத்தில் மூன்று கதாபாத்திரத்தில் அஜித் நடிப்பதாக ஒரு பக்கம் பேச்சுக்கள் இருந்து வருகிறது. அதேபோல கோட் திரைப்படத்திலும் விஜய் மூன்று கதாபாத்திரத்தில் நடிப்பதாக பேச்சுக்கள் இருக்கின்றன.
மலையாள நடிகர் எண்ட்ரி:
இந்த நிலையில் இதில் வரும் ஒரு அஜித் கதாபாத்திரத்திற்கு மகனாக பிரபல மலையாள நடிகர் நெல்சன் கே கஃபூர் நடிக்க இருப்பதாக பேச்சுக்கள் இருக்கின்றன. ப்ரேமலு திரைப்படத்தின் மூலமாக தமிழ் சினிமா மக்கள் மத்தியில் கொஞ்சம் பிரபலம் ஆகி இருக்கிறார் நெல்சன் கே கஃபூர்.
கிட்டத்தட்ட இது விஜய்யுடன் போட்டி போடுவது போலவே இருக்கிறது ஏனெனில் லியோ திரைப்படம் வெளியான பொழுது அந்த திரைப்படத்தில் விஜய்க்கு மகனாக அப்போது மலையாளத்தில் பிரபலமாக வளர்ந்து வந்த நடிகர் மேத்யூ தாமஸ் நடித்திருந்தார். கிட்டத்தட்ட அதே பார்முலாவை பின்பற்றி அஜித் படத்திலும் வைத்துள்ளது போல தெரிகிறது என்கின்றனர் விஜய் ரசிகர்கள்.
