விஜய் டிவி மூலமாக மக்கள் மத்தியில் பிரபலமான பிரபலங்களில் முக்கியமானவர்கள் நடிகை மைனா நந்தினி. விஜய் டிவி நிகழ்ச்சிகளில் இவர் அதிகமாக பங்கு பெற்றிருக்கிறார்.
திடீரென்றுதான் மக்கள் மத்தியில் அதிக பிரபலம் ஆனார் மைனா நந்தினி. அதனை தொடர்ந்து திரைப்படங்களில் நடிப்பதற்கான வாய்ப்புகளும் இவருக்கு கிடைத்தது.
பிரபலமான மைனா நந்தினி:
விஜய் டிவி நிகழ்ச்சிகளை பொறுத்தவரை பொதுவாக ஏதாவது ஒரு நிகழ்ச்சியில் ஒரு நபர் பிரபலம் அடைந்து விட்டால் அவரை பிறகு அனைத்து நிகழ்ச்சிகளிலும் பங்கேற்க வைத்து விடுவார்கள். அந்த வகையில் மைனா நந்தினியும் பிரபலமடைந்து நிறைய நிகழ்ச்சிகளில் பங்கேற்று வந்தார்.
இப்பொழுதும் அவர் விஜய் டிவியில் முக்கியமான ஒருவராக இருந்து வருகிறார். இந்த நிலையில் சமீபத்தில் சர்தார் திரைப்படத்தில் கூட இவர் நடித்திருந்தார்.
மைனா நந்தினியை பலருக்கும் பிடிக்கும். அவருக்கு ரசிகர் கூட்டம் பெரிதாக இருந்து வருகிறது. ஆனால் அவரது கடந்த கால வாழ்க்கை மிகவும் மோசமாக இருந்திருக்கிறது. அதில் அவர் கூறும் பொழுது நான் மிகவும் வறுமையில் இருந்த ஒரு குடும்பத்தில் இருந்து தான் வந்தேன்.
முதல் திருமணம்:
மாதம் 1500 ரூபாய் வாடகைக்கு ஒரு சிறிய வீட்டில் எனது குடும்பம் இருந்து வந்தது. அப்பொழுது எனக்கான வாழ்க்கையை நானே தேடிக் கொண்டு ஒரு பெரும் தவறை நான் செய்தேன். நான் ஒரு நபரை திருமணம் செய்து கொண்டேன்.
அவரை திருமணம் செய்து கொண்ட மறுநாள் சென்னைக்கு வந்தபோது எனது கணவரை போலீசார் கைது செய்து சென்றனர். எனக்கு திருமணம் ஆகி என்னுடைய தாலியின் ஈரம் கூட காயவில்லை அதற்குள் மறுநாளே நான் போய் புழல் சிறையின் வாசலில் நின்றேன்.
அன்று என்னுடைய கணவரை வழி அனுப்பி வைத்தேன் பிறகு ஆறு மாதம் ஜெயிலில் இருந்த எனது கணவர் வீடு திரும்பிய பொழுது சில மாதங்களிலேயே இறந்துவிட்டார் என்று தன்னுடைய முதல் திருமணம் எவ்வளவு மோசமாக முடிந்தது என்பதை பகிர்ந்திருக்கிறார் மைனா நந்தினி.
