ஹிந்தி ஆங்கிலம் என்று பல மொழிகளில் முயற்சி செய்து அங்கெல்லாம் வாய்ப்புகள் கிடைக்காமல் பிறகு தமிழ் சினிமாவிற்கு வந்து கதாநாயகனாக அறிமுகமானவர்தான் நடிகர் மாதவன்.
அலைபாயுதே திரைப்படம் மூலமாக முதன் முதலாக இவர் தமிழ் சினிமாவில் கதாநாயகனாக அறிமுகமானார். அலைபாயுதே திரைப்படம் மாதவனுக்கு நல்ல வரவேற்பை பெற்றுக் கொடுத்தது. அதற்கு முன்பே மாடலிங் துறையில் இருந்து வந்த மாதவன் நிறைய விளம்பரங்களில் நடித்ததன் மூலம் மக்கள் மத்தியில் கொஞ்சம் பிரபலமாக இருந்தார்.
தமிழில் வரவேற்பு:
அலைபாயுதே திரைப்படத்தை தொடர்ந்து என்னவளே. மின்னலே, டும் டும் டும் போன்ற அவர் நடித்த திரைப்படங்கள் எல்லாம் பெரும்பாலும் நல்ல வரவேற்பை பெற்றன. இதனை தொடர்ந்து அதிகமான திரைப்படங்களில் மாதவன் நடிக்க தொடங்கினார்.
அதே சமயம் பிரபலமாக இருக்கும் சமயத்திலும் இரண்டாம் தர நட்சத்திரமாகவும் நடித்து வந்தார் மாதவன் அன்பே சிவம் லேசா லேசா மாதிரியான திரைப்படங்களில் எல்லாம் இரண்டு கதாநாயகர்கள் கொண்ட கதைகளாக அந்த படங்கள் இருந்தன.
இருந்தாலும் அவற்றில் நடித்து வந்தார் மாதவன் 2004 க்கு பிறகு அவருக்கு பட வாய்ப்புகள் என்பது குறைய தொடங்கியது. வருடத்திற்கு நடிக்கும் படங்கள் எண்ணிக்கை மிகவும் குறைந்து 3 அல்லது 4 படங்களில் நான் ஒரு வருடத்திற்கு நடித்து வந்தார் மாதவன்.
இயக்கிய திரைப்படம்:
2011ல் இருந்து 2014 வரை மிகவும் குறைவான திரைப்படங்களிலேயே நடித்து வந்தார் மாதவன். இருந்தாலும் இப்பொழுதும் சினிமாவில் தொடர்ந்து வாய்ப்புகளைப் பெற்றுக் கொண்டுதான் இருக்கிறார் சமீபத்தில் ராக்கெட்டரி என்கிற ஒரு திரைப்படத்தை அவரே இயக்கி நடித்திருந்தார் மாதவன்.
நம்பி நாராயணன் என்கிற நிஜ விஞ்ஞானியின் வாழ்க்கை வரலாறை சொல்லும் விதமாக அந்த படம் இயக்கப்பட்டது. அந்த படம் தமிழ் மற்றும் ஹிந்தி என்று இரண்டு மொழிகளிலும் வெளியானது. எதிர்பார்த்ததை விடவும் அதிகமான வரவேற்பை அந்த திரைப்படம் ஏற்படுத்தி கொடுத்தது.
இறுதிச்சுற்று திரைப்படத்திற்கு பிறகு மாதவன் உடல் எடை அதிகரித்து காணப்பட்டார். இதனாலேயே அவருக்கு பட வாய்ப்புகளில் அதிக வயதுடைய கதாபாத்திரமாகவே கிடைத்து வந்தது. இந்த நிலையில் சமீபத்தில் உடல் எடையை வெகு சீக்கிரமாகவே குறைத்து இருக்கிறார் மாதவன்.
இத்தனைக்கும் அவர் எந்த உடற்பயிற்சியும் செய்யவில்லை ஜிம்முக்கும் செல்லவில்லை என்று கூறப்படுகிறது. இது குறித்து மாதவன் ஒரு பேட்டியில் கூறியிருக்கிறார் அதில் அவர் கூறும் பொழுது நான் உணவை நன்றாக மென்று ரசித்து சாப்பிடுவேன்.
ஒரு நாளைக்கு 40 முதல் 60 முறை தண்ணீர் குடிப்பேன். மாலை 6:45க்குள் சமைத்த உணவை சாப்பிடுவேன். அதிகாலை 90 நிமிடமும் தூங்குவதற்கு முன்பு 90 நிமிடமும் நடை பயிற்சி செய்வேன். மேலும் இயற்கையான உணவு பதப்படுத்தப்பட்ட உணவை மட்டுமே எடுத்துக் கொண்டேன் இப்படித்தான் உடல் எடையை குறைத்தேன் என்று அந்த விஷயத்தை கூறி இருக்கிறார்.
