நடிகர் விஷால் தமிழ் சினிமாவில் உள்ள பிரபல நடிகர்களில் முக்கியமானவராக இருந்து வருகிறார். விஷால் நடிக்கும் திரைப்படங்களுக்கு தமிழ், ஹிந்தி என பல மொழிகளில் வரவேற்புகள் இருந்து வருகின்றன.
முக்கியமாக விஷால் நடிக்கும் காமெடி திரைப்படங்களுக்கு தனி வரவேற்பு உண்டு. இயக்குனர் ஆதிக் ரவிச்சந்திரன் இயக்கத்தில் மார்க் ஆண்டனி என்கிற திரைப்படத்தில் நடித்தார்.
இந்த திரைப்படம் எதிர்பார்த்ததை விடவும் அதிக வசூலை பெற்று கொடுத்தது. அதற்கு பிறகு விஷாலுக்கும் வாய்ப்புகள் என்பது அதிகரிக்க தொடங்கியது.
ஆனால் சமீபக்காலமாகவே விஷால் பேட்டிகளில் கலந்துக்கொள்ளும்போது நிதானமில்லாமல் பேசுவதை பார்க்க முடிந்தது. பெரும்பாலும் பேட்டிகளில் அவர் பேசும்போது அவரது குரல் தடுமாறுவதை பலரும் கவனித்திருக்கலாம்.
ஆரம்பத்தில் பலரும் இதுக்குறித்து கூறும்போது விஷால் மது அருந்துவிட்டு வந்திருக்கலாம் என கூறினர். ஆனால் உண்மையில் விஷால் மது எதுவும் அருந்துவிட்டு வரவில்லை. ஏனெனில் சமீபத்தில் மதகஜ ராஜா திரைப்படத்தின் வெளியீட்டிற்காக பேச வந்திருந்தார் விஷால்.
அப்போது அவர் கையில் மைக் வைத்திருந்தப்போது கை நடுங்குவதை பார்க்க முடிந்தது. மேலும் குரலிலும் தடுமாற்றம் இருந்தது. இது ரசிகர்கள் பலரையும் அதிர்ச்சியடைய செய்துள்ளது.
