போர் தொழில் இயக்குனர் இயக்கத்தில் தனுஷ் நடிக்கும் திரைப்படம்.. இதுதான் கதை..!
தொடர்ந்து புதிய இயக்குனர்கள் திரைப்படங்களில் நடித்து வருகிறார் நடிகர் தனுஷ்.
அந்த வகையில் தற்சமயம் போர்த்தொழில் திரைப்படத்தின் இயக்குனரான விக்னேஷ் ராஜா இயக்கத்தில் ஒரு திரைப்படத்தில் நடித்து வருகிறார் தனுஷ்.
போர் தொழில் திரைப்படம் மூலமாக விக்னேஷ் ராஜாவிற்கு எக்கச்சக்கமான வரவேற்பு கிடைத்தது. இந்த நிலையில் அடுத்து அவர் இயக்கும் திரைப்படம் சமூக அரசியலை பேசும் படமாக இருக்கும் என்று கூறப்படுகிறது.
முக்கியமாக இந்த தனுஷ் திரைப்படமானது ராமநாதபுரம் பகுதியில் எடுக்கப்படுவதாக கூறப்படுகிறது. சாதிய அடக்குமுறை அதிகமாக உள்ள காலகட்டத்தில் நடப்பது போன்ற கதை அமைப்பை இந்த படம் கொண்டிருப்பதாக பேச்சுக்கள் இருக்கின்றன.
மேலும் கலப்பு திருமணத்தை முக்கிய கதைகளமாக கொண்டுதான் இந்த படத்தின் கதை நகர இருக்கிறது என்றும் கூறப்படுகிறது. எனவே மக்கள் மத்தியில் கவனம் பெரும் ஒரு படமாக இது இருக்கும் என்று எதிர்பார்க்கப்படுகிறது.