நடிகர் ரஜினிகாந்த் நடிப்பில் உருவாகி வரும் திரைப்படம் கூலி. இந்த திரைப்படத்தை இயக்குனர் லோகேஷ் கனகராஜ் இயக்குகிறார். இந்த திரைப்படத்திற்கு ஏற்கனவே அதிக வரவேற்பு இருந்து வருகிறது. ஏனெனில் ஏற்கனவே ஆக்ஷன் திரைப்படங்களை சிறப்பாக இயக்க கூடியவர் என்கிற பெயரை பெற்றுள்ளார் லோகேஷ் கனகராஜ்.
இந்த நிலையில் ரஜினிகாந்தை வைத்து அவர் ஒரு படம் இயக்குகிறார் என்றால் அது எப்படிப்பட்ட படமாக இருக்கும் என்கிற எண்ணம் பலருக்குமே இருந்து வருகிறது. அதற்கு தகுந்தாற் போலவே கூலி திரைப்படமும் அமைந்துள்ளது. ஆக்ஸ்ட் 14 இந்த திரைப்படம் திரைக்கு வர இருக்கிறது.
இந்த நிலையில் இந்த படத்தின் ட்ரைலர் தற்சமயம் வெளியாகி அதிக ட்ரெண்ட் ஆகி வருகிறது. படத்தின் கதையை பார்க்கும்போது ஏதோ ஒரு விஷயத்தை செய்துவிட்டு மறைமுகமாக 30 வருடங்கள் வாழ்ந்து வருகிறார் ரஜினிகாந்த் (தேவா).
இந்த நிலையில் அவரை திரும்ப வம்பிழுக்கிறது வில்லன் குழு. அவர்களை எதிர்த்து ரஜினிகாந்த் செய்யும் விஷயங்களே படமாக இருக்கும் என எதிர்பார்க்கப்படுகிறது. ரஜினிகாந்த் இந்த படத்தில் புகைப்பிடிக்கும் காட்சிகளில் நடித்துள்ளார்.
சிவாஜி திரைப்படத்திற்கு பிறகு ரஜினிகாந்துக்கு அறுவை சிகிச்சை செய்யப்பட்டது. அது முதலே அவர் புகை பழக்கத்தை விட்டு விட்டார். இந்த நிலையில் இந்த திரைப்படத்தில் அவர் புகை பிடிக்கும் காட்சியில் நடித்துள்ளாரே என பேச்சுக்கள் இருக்கின்றன.
ஆனால் திரைப்படத்திற்காக எப்போதாவது ரஜினி புகைப்பிடிப்பதுண்டு. மற்றப்படி அவர் பழக்கமாக இதை பயன்படுத்துவதில்லை எனவும் ஒரு பக்கம் கூறப்படுகிறது.
