தமிழ் சினிமாவில் உள்ள பிரபலமான நடிகர்களில் மிக முக்கியமானவராக நடிகர் பிரதீப் ரங்கநாதன் இருக்கிறார். சமூக வலைதளங்களின் வளர்ச்சியின் காரணமாக மிகக் குறுகிய காலத்திலேயே தமிழ்நாடு அளவில் மக்கள் மத்தியில் வரவேற்பு பெற்ற நடிகராக மாறி இருக்கிறார் பிரதீப் ரங்கநாதன்.
இதற்கு முன்பு அவர் நடித்த லவ் டுடே, டிராகன் ஆகிய இரண்டு திரைப்படங்களுமே எக்கச்சக்கமான வரவேற்பை பெற்றன என்று கூறலாம்.
இந்த படங்களின் வெற்றியை தொடர்ந்து பிரதீப் ரங்கநாதனின் சம்பளமும் அதிகரித்து இருக்கிறது. தொடர்ந்து பெரும்பாலும் கல்லூரி கதை அமைப்புகளை தேர்ந்தெடுத்து நடித்து வருகிறார் பிரதீப் ரங்கநாதன்.
டூயுட் வசூல்:
அந்த வகையில் அடுத்து அவர் நடித்திருக்கும் திரைப்படம் டூட். இதற்கு மக்கள் மத்தியில் ஒரு எதிர்பார்ப்பு இருந்து வருகிறது. எந்த அளவிற்கு இந்த படத்திற்கு எதிர்பார்ப்பு அதிகமாக இருக்கிறது என்பது ப்ரீ புக்கிங் மூலமாகவே தெரிகிறது.
படத்தின் புக்கிங் ஓபன் ஆன நிலையில் ப்ரீ புக்கிங்கில் இந்த திரைப்படம் ஒரு கோடி ரூபாய் வசூல் செய்து இருக்கிறது. இந்த அளவிற்கு ஒரு நடிகர் வரவேற்பை பெறுவதற்கு தமிழ் சினிமாவில் சில காலங்கள் எடுக்கும் ஆனால் மிகக் குறுகிய காலத்திலேயே மக்கள் மத்தியில் இப்படி ஒரு வரவேற்பை பெற்று இருக்கிறார் பிரதீப் ரங்கநாதன்.
