Rio raj: தமிழில் தொடர்ந்து வளர்ந்து வரும் நடிகர்களில் முக்கியமானவராக நடிகர் ரியோராஜ் இருந்து வருகிறார். விஜய் டிவி மூலமாக பிரபலமாகி பிறகு சினிமாவுக்கு வந்த பிரபலங்களில் இவரும் ஒருவர்.
விஜய் டிவியில் சரவணன் மீனாட்சி தொடரில் இவர் சரவணனாக நடித்திருக்கிறார். தற்சமயம் தமிழ் சினிமாவில் இவர் நடிப்பில் வந்த ஜோ மற்றும் ஆண்பாவம் பொல்லாதது இரண்டு படங்களுமே நல்ல வரவேற்பை பெற்று கொடுத்தது.
அதனை தொடர்ந்து அதிக பட வாய்ப்புகளை பெற்று வருகிறார் ரியோ ராஜ். இந்நிலையில் அடுத்து தயாரிப்பாளராகவும் களம் இறங்குகிறார் ரியோ ராஜ். பொதுவாக கொஞ்சம் அதிகமாக சம்பளம் வாங்கும் அளவிற்கு வந்த பிறகுதான் கதாநாயகர்கள் சினிமாவில் திரைப்படங்களை தயாரிக்க துவங்குவார்கள்.
தயாரிப்பாளராக முதல் படம்:
ஆனால் ரியோ ராஜை பொறுத்தவரை இன்னமும் அதிக சம்பளம் வாங்கும் இடத்திற்கு வரவில்லை என்றாலும் துணிவுடன் திரைப்படத்தை தயாரிக்க களம் இறங்கியுள்ளார்.
ரியோ ராஜ் தயாரிக்கும் திரைப்படத்திற்கு ப்ரவுன் மணி என பெயர் வைக்கப்பட்டுள்ளது. இந்த படத்தில் பிரபல யூ ட்யூப்பர் ராம் நிஷாந்த் கதாநாயகனாக நடிக்கிறார். இந்த படத்தின் டைட்டில் டீசர் தற்சமயம் வெளியாகியுள்ளது.
