தமிழ் சினிமாவில் மிகவும் பிரபலமான இயக்குனர்களில் முக்கியமானவர் பாக்கியராஜ். குடும்பங்கள் ரசிக்கும் படங்களை இயக்கி நடித்து தொடர்ந்து ஹிட் கொடுத்து வந்தவர் பாக்கியராஜ். இப்போது இருக்கும் லோகேஷ் கனகராஜ் அட்லீ போன்ற இயக்குனர்களை விடவும் அதிக பிரபலமானவராக அப்போது பாக்கியராஜ் இருந்தார்.
ஆனால் இப்போது அவருக்கு அவ்வளவாக பட வாய்ப்புகள் இல்லாமல் இருந்து வந்தது. இந்த நிலையில் கடந்த இரு வருடங்களாக யூ ட்யூப் சேனல் நடத்தி வந்தார். இதற்கு நடுவே ஒரு வெப் சிரீஸ் இயக்கி வருவதாக கூட சமீபத்தில் கூறியிருந்தார் பாக்கியராஜ்
இந்நிலையில் இந்த காலை திடீரென பாக்கியராஜ் அவர்களுக்கு மாரடைப்பு ஏற்பட்டுள்ளது. இதனால் சுயநினைவை இழந்த அவருக்கு சீக்கிரமே உயிர் பிரிந்துள்ளதாக கூறப்படுகிறது. 73 வயதான நிலையில் இன்று திடீரென அவர் இறந்திருப்பது பலருக்குமே அதிர்ச்சியை ஏற்படுத்தியுள்ளது.
பாக்கியராஜை தமிழ் சினிமாவுக்கு அறிமுகப்படுத்தியவர் பாரதிராஜா. பாரதிராஜாவின் முதல் படமான 16 வயதினிலே படத்தில் உதவி இயக்குனராக பாக்கியராஜ் திரை துறைக்குள் நுழைந்தார்.
அவரது குரு பாரதிராஜா சமீபத்தில் காலமான நிலையில் அடுத்த சில நாட்களிலேயே பாக்கியராஜும் காலமாகி இருப்பது இப்போது தமிழக மக்களுக்கே அதிர்ச்சி செய்தியாக அமைந்துள்ளது.
