தமிழ் சினிமாவில் பிரபலங்களின் வாரிசுகள் வாய்ப்பு பெற்று வருவது என்பது எப்போதும் நடக்கும் விஷயம்தான். அந்த வகையில் தற்சமயம் தளபதி விஜய்யின் மகன் ஜேசன் சஞ்சய் இயக்குனராக களம் இறங்கவிருக்கிறார். அவருக்கு தற்சமயம் 22 வயதுதான் ஆகிறது.
இவ்வளவு இளைய வயதில் தமிழ் சினிமாவில் எந்த இயக்குனருக்கும் வாய்ப்பு கிடைத்தது கிடையாது. மேலும் இந்த படத்தை லைக்கா நிறுவனம் தயாரிக்க உள்ளது. ஆனால் அதை தவிர்த்து படத்தை பற்றி வேறு எந்த விஷயமும் பெரிதாக தெரியவில்லை.
ஆனால் முன்பே ஒரு பேட்டியில் இதுக்குறித்து எஸ்.ஏ சந்திரசேகர் கூறியிருந்தார். அவர் ஒருமுறை ஜேசன் சஞ்சய்யிடம் பேசும்போது “உனக்கென்னடா உங்கப்பா சூப்பர் ஸ்டார், அவரை வைத்து நீ என்ன படம் எடுத்தாலும் பெரும் ஹிட் ஆகிடும். அதனால் நீ எளிதாக இயக்குனராகிவிடலாம்” என கூறியுள்ளார்.
அதற்கு பதிலளித்த ஜேசன் சஞ்சய் இல்லை தாத்தா நான் நடிகர் விஜய் சேதுபதியை வைத்துதான் படம் இயக்க போகிறேன் என கூறியுள்ளார். எனவே அடுத்து இவர் இயக்கும் திரைப்படத்தில் விஜய் சேதுபதி நடிப்பதற்கு வாய்ப்பிருக்கலாம் என கூறப்படுகிறது.
