லோகேஷ் கனகராஜ் திரைப்படம் என்றாலே அதற்கு மக்கள் மத்தியில் அதிக வரவேற்பு இருந்து வருகிறது. அதற்கு தகுந்தாற் போல அவரும் தொடர்ந்து ஹிட் படங்களாகவே கொடுத்து வருகிறார்.
தற்சமயம் விக்ரம் திரைப்படத்தின் வெற்றியை தொடர்ந்து அடுத்து தளபதி விஜய்யை வைத்து லியோ திரைப்படத்தை இயக்கியுள்ளார். அடுத்த மாதம் இந்த திரைப்படம் திரைக்கு வரவிருக்கிறது. விஜய் ரசிகர்கள் இந்த படம் குறித்து மிகுந்த எதிர்பார்ப்புடன் இருக்கின்றனர்.
இந்த நிலையில் அடுத்ததாக ரஜினியை வைத்து படம் இயக்க இருக்கிறார் லோகேஷ் கனகராஜ். ஏற்கனவே ரஜினிகாந்த் தனது 170 ஆவது படத்தை இயக்குனர் ஞானவேல் இயக்கத்தில் நடிக்க இருக்கிறார். எனவே அதன் படப்பிடிப்பு முடிந்ததும். அடுத்த வருடம் ஜனவரியில் 171 ஆவது படத்தின் படப்பிடிப்பு துவங்கும் என கூறப்படுகிறது.
இதனையடுத்து இந்த படத்தை அடுத்த வருடம் தீபாவளிக்கு வெளியிட திட்டமிட்டுள்ளராம் லோகேஷ் கனகராஜ்.
